New Era Newspaper

New Era Epaper
Icon Collap
...
Home / Kuzeresa evhu kuna tameke

Kuzeresa evhu kuna tameke

2021-06-17  Nuusita Ashipala

Kuzeresa evhu kuna tameke
Top of a Page

Nkarapamwe zatunga momukunda govandonga kavakumbwilire momuwa kezigido kalitundire kwaHompa Fillemon Nangolo vazerese evango lyokuruganena ava tumbura asi Omutsegwonime momukunda horowero Oshikoto.

Momapeu, konyara 10 domo 100 hekta evhu eli lyakara asi lyewa mokukara epya kavalizeresere. Evango eli kuna kuligazarera asi lyokuzangwira epungu ntani mahangu omu nalikara epya olyo asi lyokuzangura muzangu ogo guvatere egendeso lyorudi ntani kuvatera nye vantu vakara asi woruhepo unene. 

Eyi mokukwama kwaNangolo, katente asi eyi nayininkisa rudi rugave nondja kovantu varo, eyi yina kara ngesi asi kundindira tupu kepangero. 

Projeka zangesi kwazitulire moyirugana Nangolo mokwedi kwaKudumonkuru mvhura zeezi. 

Nangolo apa gakadingwire evango olyo momapeu, kapandwire vatungimo asi awo kwalimburura nawa kehundiro lyendi. 

Ose ngesi kuna kundindira nye nomukunda odo dina kukwamako diwize nado diyazerese yipo asi nzodi zetu zisikemo tupe vantu vetu nondja, yimo ana kutanta Nangolo. 

Age katente asi projeka zangesi simpe nazivatera vantu ava vana kunyanda kouvera ou wokorona ndi asi covid-19. 

Age katente asi morwa Covid-19, vantu vamwe muzangu gwawo kwaguguma unene makura epya eli nalikavatera vape nye oyo vana kumona asi kwapita moudigu.

Kukuna mepya eli kuna kuyigazarera asi  tavakatameka kukakuna apa nazitameka kuroka mvhura. 

Fillemon Nambili, ogu ana kara asi munonagona goruha roUukwanamba, katente asi nampili ngomu asi vantu wovanzi kuna kuwiza vayazerese epya awo kuna kusikisamo veta zina karapo ngesi zomukisi ogu goCovid-19. 

Awo vana kurugana kuna vagaununa monombunga 10 vagusepo mukaro gokukara asi vantu kuna likundamapevango limwe tupu. 

Mokuza komeho, Nambili katente asi ngakukara tupu vantu wokusika ko 30 pevango eli mosivike. 

– nashipala@nepc.com.na


2021-06-17  Nuusita Ashipala

Share on social media
Bottom of a page