New Era Newspaper

New Era Epaper
Icon Collap
...
Home / Kwato eparu tuna zumbanesa momukunda Kunene morwa ruteni

Kwato eparu tuna zumbanesa momukunda Kunene morwa ruteni

2021-03-31  Nuusita Ashipala

Kwato eparu tuna zumbanesa momukunda Kunene morwa ruteni

Kwato muntu gonkandi kadogorokere morwa rukukutu momukunda gwaKunene dogoro ngesi. Nguuru gomukunda Kunene Marius Sheya kayinkondopekere eyi moutatu unapuko opo kageve yitundwamo kuhamena ruteni runa gumu mukunda gwendi mo 14 Nsinano. Sheya simpe katente asi mberewa zendi zina lituramo mokugavera nondja kovantu ava runa gumu unene ruteni mokukeverera asi kwato ogu nadogoroka morwa nzara. 

Age kahundilire navenye vana hara kuvatera asi nondja noyikulya yoyimuna vahepa kuyigavera usimbu kovantu owo yina tamba nokuvaguma. Dogoro pwanayina ngesi, nonsakon dokusika ko 15 000 do 10kg dousura wanangwasa yido twagwanako datunda komberewa zaNkuru ministera – ntani poyo nye, dokusika ko 5000 nonsako odo twadigavera nare kovantu owo zina gumu unene nzara. Mokuyipakerera, nondorohwa donomfi dokusika ko 30 000  modo 50 000 twadigavera nare kovantu dogoro ngesi mo 14 Nsinano mvhura zeezi. 

Konyara wayi wokusika ko 2000 yitungu yina tundu mo 4 000 nare vayigavera. Mokugwedako nye kekwatesoko lyokutunda kepangero, nombunga dopaumwene nado dagava yitungu yokusika ko 3 250 wonondja doyimuna. Sheya katente asi egavero kwalirangapeka morwa mvhura ezi kavagwene momukunda . ‘’ Egavero kwaliranga morwa mvhura zonene zaroka, yaninkisa omu nomuramba dihanzere, mema kuna kupupa, kuninkisa nye nonzira dikare kapi dina wapa hena kugendamo nomahauto. ‘’  Nguuru katente asi mvhura zina sesupikeko hansa koruha nye rorukukutu momukunda nokuhundira asi vantu vahahetekasi kutaguruka nomuramba odo dina kupupa mema. Sheya simpe katente asi udigu nye ou wokutwara nondja kovantu hawe udigu wougendero kavaugusirepo. Mokukwama nye mema, awo kwagava 10 000 l zomema omu navagaruganesa vantu noyimuna. 

Nokugwedako asi mberewa zendi simpe nazigwanekera nonombunga dina kuvatera, dovarugani, nkarapamwe ntani nombunga dopampo vatare asi ngapi navavatera udigu ou. Age simpe katente asi edinguro ntani kutarurura navayiruganesa yipo vature magano gawo nokutura nayiney monaruwa mosiruwo sosisupi nesi sosire omu navakeverera nayinye eyi.

-nashipala@nepc.com.na 


2021-03-31  Nuusita Ashipala

Share on social media