New Era Newspaper

Header ads
Icon Collap
...
Home / Kwato mbudi zompe kuhamena vaNamibia vanakara moMozambique

Kwato mbudi zompe kuhamena vaNamibia vanakara moMozambique

2021-03-31  Kuzeeko Tjitemisa

Kwato mbudi zompe kuhamena vaNamibia vanakara moMozambique
Top of a Page

Simpe kapi yina divikwa asi koveli vaNamibia kavadogorokere ndi kurema kosihorokwa esi sina kudipaga unene vantu momukunda gwaPalma moMozambique. 

Ministera ogu gakererapo kweyiyoponze Netumbo Nandi-Ndaitwa nkera katente asi kapi ana gwana simpe mbudi nkenye asi muna hamene vaNamibia mosihorokwa esi sokuhomokera.  ‘’ Moomu tupu ono diva asi Maputo kwamukarerapo mukareli gwetu ogu gakara asi kwatunga moZimbabwe.

 Ame nina uyunga nendi nayina ngurangura omu ana tanta asi simpe kapi ana gwanako mbudi nkenye kuhamena asi vaNamibia nawo vamwe vana kara mosiponga sangesi,’’ Nandi Ndaitwah yimo ngoso ana kutantera sayitunga zaNew era.sinzi sovantu kuna kuzuvhika asi kwavadipaga omu sina kara asi simwe varongikida mokudipaga vantu.  Eyi kuna kuhorokera komuzogo gosirongo saMozambique  modoropa vana kutumbura asi Palma. 

Epangero kalitente asi mazuva gane tupu kutunda apa vatameka noyita eyi, vantu wovanzi kwatameka kuduka nokuvagusamo mevango lina mayovi nomayovi kwavatura nye modoropa za Pemba. 

Vantu ntambali kwavadipaga momuhomo gwangesi siruwo nye oso vatameka kudirura vantu vavatware kohetera omu vavakara asi vatjwayuki, yimo vavaruka nye ngoso. ‘’

 Moutatu kaupwireko, mbunga zovatoroliste kavawizire simpe moPalma awo simpe kavadipagere vantu wovanzi wokulikarera ,’’ minitera gwaMozambique govakwayita katanterere vana mbudi mevango omu kavapongere. 

Vanayirongo yiwo vamwe nawo kavakere mosiponga sangesi, nye epangero kapi kalitente asi vangapi vana yirongo vana dipaga mosihorokwa sangesi. 

Sihorkwa sosidona sangesi kuna kuhorpokera nye pepi tupu noprojeka zogas ezi zina karapo ngesi nomvhura ntatu zakara ko Islamist Insurgency across Mozambique komuzogo. 

Kutunda tupu nye mwaOktober 2017, marwanambo gomanenene kwatameka monomukunda dononunu nonodoropa ngoso, eyi yatwaredera vantu wokusika ko 700 000 vazumbe mambo gawo vaduke morwa yita. – egwedereroko mokugava nombudi IOL.


2021-03-31  Kuzeeko Tjitemisa

Share on social media
Bottom of a page