New Era Newspaper

New Era Epaper
Icon Collap
...
Home / Likwambuyu utambeka mayahelo amaino kwa Luhonono

Likwambuyu utambeka mayahelo amaino kwa Luhonono

2022-10-17  Aron Mushaukwa

Likwambuyu utambeka mayahelo amaino kwa Luhonono

Likwambuyu waTuto Anna Ngipondoka natambekile simubuso muyahi, sibaka sakuyahela maino abanabasikolo ba Schumannsburg, kwa Luhonono mwasilalanda sa Kabbe ya Mbowela mwasikiliti sa Zambezi. Kalulo yeo itaha kasamulaho muyahi walipili nalifilwe masheleñi alikana bolule balishumi kababalalu, mi ayepa feela mungelo ni kufulalela musebezi kasilimo sa 2016 one uswanela kufela silimo sa 2019. Likwambuyu naize kalulo yeo netisize mizeko ni tiyeho kulimane sinyehelo yamasheleñi akuyaha maino ihulile kabolule mashumi amabeli kabaketalizo.

“Ninge nako ye kufitisa kuswaba kwaka kwabayahi babanga muuso kuba pelesa yakuifumisa. Taba yeo imaswe, ifosahezi ni kutokwa sizwale. Halulati lipisinisi zeo zebata feela masheleñi, mi kasamulaho amusebezinyana babaleha,” nekubulezi likwambuyu. Kono naize kinyakalalo kuli kasamulaho anako yetelele muyahi usili kele aketiwa kuto peta musebezi.

“Nibata kuitumela kwakampani ya August 26 kakunga mutiyo wakubata kuyahela banabaluna maino mwanaha Namibia, sihulu fasikolo se sa Schumannsburg,” nekubulezi Ngihipondoka. Purojekiti ya Masheleñi alikana bolule bamashumi alobañwi kabababeli (N$92 million) itekezwi kufela mwalikweli zemashumi amabeli kazene. Kono muyahi nasepisize kuifeza mwalikweli zelishumi kazepeli. Haise ifelile ika tusa hahulu libaka zetibiswa kimezi amuunda zefumaneha mwasilalanda sa Kabbe.


2022-10-17  Aron Mushaukwa

Share on social media