KATIMA MULILO – Liluko la Lizibiso ni Zwelopili ya Bulyambombola nelikwaluzi ofesi yenca mwasikiliti sa Zambezi Labune. Hana bulela kanako yakukwalula ofesi likwambuyu yaetelezi liluko Peya Mushelenga nasusuelize sicaba sesi fumaneha mwasikiliti sa Zambezi, sihulu babanca kusebelisa ofesi yenca nikuzwisezapata lisebelezo zabulyambombola ni zwelopili mwasikiliti.

Likwambuyu hape nasusuelize babeleki baliluko mwasikiliti kusebeza katata ni kualabela kwalitokwahalo zasicaba kabunako. 

“Muyaho hakiona wabutokwa kono zeeziwa mwateñi, kacwalo nibabata kususueza babeleki mwaofesi ye, kubona kuli baitama kusebeleza sicaba. Mañusa ana nikuisiwa kwasicaba kanako, mi mukwa wakualabela kwalipuzo zasicaba kabunako una nikuzwisezwapata,” nekubulezi Mushelenga.

Zeñwi zalisebelezo zefumaneha kwaofesi yenca kimunshini wakungolangiseza fapila sicaba, lisebelezo zakuhatisa lipina kwabaopeli, lisebelezo zaintaneti ni ofesi yakuezeza mikopano nibabali mwalibaka zeñwi. Muyaho noyahilwe kasinyehelo ya masheleñi alikana bolule bamashumi amabeli (N$20 million).