Kutunda tupu opo zapaturuka ezi mberewa zokugwana nombudi sivike seesi, sinzi sovantu kwawiza komberewa ezi unene modoropa zaOshakati zaNaTIS omu vayaturamo mahundiro gokugwana nombapira dokukalironga kusinga. Eyi kayihorokere paapa kampani zoRA kazigeve mbudi asi nomberewa nadinye do NaTIS sirongo mudima tadipaturuka mouvali owo tuna yuka.
Apa nye sayitunga zaNew Era kazikadingwire evango lyoNaTIS moOshakati, vantu vamwe vana sigi mukweyo vana zin are kembo. RA awo kavatente asi yina kara mulyo unene asi owo vana kuyadingura evango eli vahepa kusikisamo veta ezi zokutanta asi vahepa kukara nontambo dongandi yipo asi vahalikundama ntani vahepa kusikisamo ukanguki nanayinye oyo yina pumbwa posiruwo esi soCOVID-19. Maria Shikongo gomoOshakati katente asi age kapindukire po 05h00, negano asi ngano nakagwana mbatero akare gumwe gokuhova, morwa yirugana yendi kutameka nye po 09h00.
‘’ Ano ngesi nare vili zo 09h00, ngesi nahepa tupu kutengura. Mukweyo kuna kara guna repa unene, kuna karako vantu 15 komeho zange, makura kapi nina kuyimona asi navapange mpito nipite komeho,’’ yimo ngoso ana kutanta. Mokukwama ntumwaraka kavageve womberewa zaRA mokupitira monombudi, embangu navalitura pwankenye mberewa zaNaTIS pokuhwililira makura owo nye vana kuturamo mahundiro vahepa kutura mahundiro gawo mosipangu oso.
Makura kutunda opo, owo vana turamo mahundiro ngavavadivisa kupitira mo sms mokuvapa ezuva ntani vili ezi nawiza komberewa zaNaTIS omu nayarugana nye ngendeseso nazinye zokuhupako. RA kahundilire owo vana kuturamo mahundiro asi vahaturamo yimaliwa monompunda odo, mfuto kuyazifuta monad mwene apa nye navakupa asi siruwoke ngowiza komapuragero. ‘’ Wahepa kuruganesa foroma zeezi zawapera mbatero ezi ono hara, wahepa kuyitjanga nayinye oyo vana kupura ayo hena yahepa kuzera nawa, yimo ana kugava magano ngoso RA.
Vana hara mbatero vahepa kuruganesa mokufuta nosikarata ndi kufuta vene yimaliwa kombanga. Muporosi ogu kakere mosirugana mouvali kahundilire asi vatjotji ava, RA kapi apura yimaliwa vayifute kupitira mo ewallet, easy wallet ndi blue wallet. ‘’
Mwahepa kukara muna vangara, nawo kumwe munasikama nawo, omu vana kumoneka nawo ngwendi kuna kuyaturamo mahundiro, yimo ngoso ana kugava marondoro.
–vkaapanda@nepc.com.na