New Era Newspaper

New Era Epaper
Icon Collap
...
Home / Malonda babañata baka caula

Malonda babañata baka caula

2022-10-24  Maihapa Ndjavera

Malonda babañata baka caula

Katengo kakayemela Malonda mwanaha Namibia kafumba kuli limembala zateñi lika caula kweli ye. Kabulela kuli kukaitinga kana kampani ya Eagle Night Watch Security, ipalelwa kualabela kwalitaelo zasebeliso maswe.

Mwasitatimende sa cwanuñu tutengo totubeli totu yemela malonda ili Namibia Security Guard ni Watchman’s Union (NSGWU) netu akaleza kubateñi kwasebeliso maswe, kutukufaza, kulyehiswa kukonkisezwa famusebezi, nikusa latelela makalelo alituwelo mwamutayi oli mwa Windoko. 

“Likezo zakutukufaza malonda ni zeñwi cwalo zabuputeleli neli bihilwe kuluna kilimembala sihulu kwa mutayi waWindoko. Buñata bwa babeleki babilaela hala kunyatela mañolo amusebezi ali kweli feela zetalu kuisa kuzesilezi – kasamulaho akufela kwalikweli zeo bayonga babeleki basili,” kubaleha sitatimende. 

Katengo kakayemela malonda hape kabulela kuli Eagle Night Watch itukufaza ni kunyandisa babeleki. 

Ibulela hape kuli malonda neba bilaezi kuli bafumana lituwelo zelikana N$7 kahola, nihaike famañolo alituwelo kuñozwi N$8.75. 

“Bahapelezwa kupumelwa masheleñi amañata alinzila nihabalifiwa masheleñi amainyani. Liapalo zamusebezi lilifelwa mali amañata alikana N$1 800, isiñi N$300 moubulelela mulao, mi babeleki bakale bakutiselizwe lituwelo zabona fafasi kuzwa fa N$10 kutaha fa N$7 kahola.” Katengo kalaela kuli likezo zeo lifeliswe, nikuli kampani isiye kunyandisa babeleki mi lituweli liekezwe kuzwa fa N$7 kuya fa N$15 kahola. Hane ikupilwe kuikalabela, kampani ya Eagle Night Watch nehanile kubulela. Buñata bwa makampani amalonda mwanaha Namibia anyaziwa kakutukufaza babeleki, sihulu hakutaha
kwalituwelo.


2022-10-24  Maihapa Ndjavera

Share on social media