Konyara mauta gokusika ko 100 kwagaruganesa mokudipagesako vantu moNamibia, ano siruwo oso 410 kwagaruganesa mokuhara kudipangesako ntani hambara kulidipaga mwene monomvhura edi ntatu dakapita. Nampili ngoso sivaro sokusika ko 11 086 kwayiruganesa komahaka nomauta ntani 806 yimpagwa yokulika muntu nouta nayo yimwe vageve asi yitundwamo posiruwo oso. Sivaro dona oso kwasigeve momapeu kutundilira komunona ndi asi deputy chief Anne- Marie Nainda posiruwo oso kasikere asi ezuva lyokudiworoka mauta gona omu kavagahwikire modoropa zaWalvisBay. Age katente asi sivaro sangesi kuna kulikida nawa nawa asi udigu tuna kara nawo omu vana kuruganesa mauta epuko." Kapi yina kutanta tupu asi mukaro dona ogu kugurugana tupu woowo vakara negano dona, nye pwarumwe kumoneka asi vaava vadiva veta ndi ava avarugana noveta morwa kapi ava kara nosinka, omu muna hamene vaporosi vetu,’’ yimo ana kutanta Nainda ngoso. 

Mokukwama mwendi, sivaro sokuvaka omu vana kulike uta ntani kudipaga nouta kuna kara sininke sosidona unene. Age katanterere vantu asi kuweka Yuma kapisi kuuweka nomukarodona, morwa kuna kuninkisa vakweni vakare momukaro dona vahana kukara nepopero nkenye. "Kapisi kuuruganesa mokuvaka Yuma yovakweni, morwa tava kara nowoma, nekuparuka noutjirwe. Wahepa kuuruganesa mokupopera vantu noyiwe yawo, kovatjotji. Ame yipo nye, nina kuhunmdira vaweki mauta asi vahasimba mauta nsene kuna kugenda mombunga zovantu, ndi kuna kuza konombaha, komaudano ntani koyilika nkenye eyi vana kara vantu wovanzi eyi nayininkisa asi vantu vetu vamwe vahakazumbanesa mauta gawo’’ yimo ana kutanta Nainda. Mokukwam mwendi, vaporosi vetu, kuna kuvatantera asi vahepa kutara asi owo vana kuhamenamo moumbondo owo, vana kukalimona vene koruha rwepuko ndi asi vana kupira kuruganesa nawa veta mokuruganesa mauta gawo, vahepa kuvahamata ntani vahepa kuvatengeka moomu yawapera. 

–edeklerk@nepc.com.na