New Era Newspaper

New Era Epaper
Icon Collap
...
Home / Mipendo yalulelule yasinyeha

Mipendo yalulelule yasinyeha

2022-05-23  Paheja Siririka

Mipendo yalulelule yasinyeha
Top of a Page

Mipendo yelika 318 000 yabutuku bwa Covid-19, yamasheleñi alikana bolule bamashumi amabeli kabasilezi (N$26 million), isinyehile mwanaha Namibia kasamulaho nako yakuisebelisa ifetelela. Muzamaisi mwalikolo la makete Ben Nangombe, naize mipendo yeo izwelela ñohola mi nena ni nako yeshelana yakuisebelisa. 

“Luna ni mipendo yeo nako yamafelo asebeliso ki Mbuwana 2022. Kakuba mubuso lungile buiketelo bwa kusa amuhela mipendo yena ni kusebeliswa mwalikweli zesilezi, kuzwa cwale,” nabulezi. Naize mupendo ona ni nako yetelele kusebelisa kiSinopharm, ili olibelezwi kusebeliswa haisi Muimunene 2023.

Mungendenge wakususueza batu kuli bapendiwe mwanaha Namibia utalimani ni kuhakanyeha kokutuna, kokutiswa kimabulatwi asina bupaki.

Kuzwelela makalo amungendenge wakuli batu bapendiwe la 19 Muimunene 2021, nombolo yezwelapili kupahama yababa pendilwe mupendo wapili, banana ni babahulu ilikana 482 544, teñi babalikana 412 543 bafumani mupendo kakutala. Ili kuyemela 23% yanombolo yene lelilwe ili 1 779 271. 

Mipendo yefiwa mwa Namibia kiSinopharm, AstraZeneca, Pfizer, ni J&J.  Nangombe naize buñata bwa mipendo yena ni kusinyiwa kiyeo yene neuzwi kitutengo totuñwi, ili taba yesabonisi hande, kakuli kisinyehelo yetuna.

“Mukengele kuli belubeleka nibona mwakutahisa zwelopili bakaikutwa cwañi. Hakubonisi hande hahulu. Luswanela kuekeza nombolo yababa pendiwa. 

Muuso uikopanyize nibaeteleli balikeleke ni sizo, ni babihi bamakande kuli bahasanye butokwa bwa kupendiwa,” nekubulezi Nangombe. Nabulezi hape kuli mipendo kiyabutokwa mi yasebeza, kacwalo batu batuhele kuteleza kwamabulatwi abuhata. “Kikwabutokwa kuteleza kwamacaziba. 

Macaziba babulela kuli kakokwani kasweli kucinca, mi mañusa awo afumaneha mwanaha kaufela,” nekubulezi Nangombe. Naha Namibia ise italimana ni kuekeza kwanombolo yababa swalelwa butuku bwa Covid-19.

Batu babalikana 4 030 seba bulailwe kibutuku bwa Covid-19 mwanaha.


2022-05-23  Paheja Siririka

Share on social media
Bottom of a page