Limembala za mishitu ya sicaba mwasikiliti sa Zambezi nelifumani lituto hala sebeliso likayo zamitai yalikota ni libumbu viki yefelile Labubeli. Likayo zepeli neli lekilwe kiofesi ya NILALEG, kutusa mishitu ya sicaba kukaya mitayi yalikota ni lico zalikomu.

Caziba mwalitaba zalico zamishitu ili yanafa lituto Petrus Nghipangelua naize lituto neli zabutokwa kuli balimi ni bababaleli bamishitu bakone kuziba kusebelisa likayo ni kulibabalela hande. 

“Hañata balimi bakatazeha kufumanela limunanu zabona lico, kikafo lituto ze mulelo kikutusa balimi kuli bazibe kuli bakona kukaya mitayi yalikota ni libumbu, ili kuli likomu zabona likona kufumana lico nihaike mwanako yalinanga,” nekubulezi Nghipandelua. 

Muokameleli wapurojekiti yaNilaleg mwasikiliti sa Zambezi, Regina Mwinga naize likayo zepeli neli lekilwe fateko yelikana N$90 000, mi mulemo kikutusa mishitu yasicaba ni balimi babafumaneha teñi.  

Natolokile kuli likayo ikaba zezamaya mi likana liya mwalibaka mokuna ni mishitu yasicaba ni libaka zapabalelo ya lifolofolo. “Lubata kutusa balimi bao kuli bakone kuno ikezeza lico zalimunanu isi kuitinga feela falico zeimelela, mi hape fasakona kulekisa zeñwi.

 Kanako yacwale lubata kutusa mishitu yasicaba ili mushititu wasicaba waZilitene, mushitu wasicaba waBukalo ni mushitu wasicaba waSikanjabuka. Kuzwafo luka yandulukela kwabalimi,” nekubulezi
Mwinga.