New Era Newspaper

New Era Epaper
Icon Collap
...
Home / Mubeleki waAMTA uhanelwa kuzekela kwande

Mubeleki waAMTA uhanelwa kuzekela kwande

2022-06-27  John Muyamba

Mubeleki waAMTA uhanelwa kuzekela kwande
Top of a Page

Muuna walilimo zemashumi amane kazelobañwi, ili mubeleki wakampani yaAMTA mwa Katima Mulilo, nahanezwi kulibelela muzeko wahae kwande, kasamulaho akubonahala mwakhuta yenyinyani yatolopo, teñi utalimana ni likakalezo zabulyangelino. James Masule Walubita natamilwe Labutanu viki yefelile, kalikakalezo zakusebelisa ofesi yahae kutaleleza litakazo zahae. Walubita yana bonahalile fapila muatuli yomunyinyani Davy Kambinda, taba yahae neisizwe la 27 Sikulu kulumelela lipatisiso kuli lizwelepili, nikuli afumane
muyemeli.

Unyaziwa kalikakalezo zabulyangelino kumano fumanwa kuli nalekisize bubeke bwa mbonyi kuzwelela mwalituli zakampani, kulekiseza batu nikubafa libulukelo zapanka zakwamukunda mone bana nikulumela masheleñi. Sibuabui wakatengo kaACC Josefina Nghituwamata, nakile anyatela kutamiwa Labutanu, mi naize ofesi yahae ilwanisana nitaba yakuli Walubita alibelele muzeko wahae kwande. Katengo kaACC nekalumilwe zebe kilisawana kuamana Walubita. “Bubeke bobulikana 80 tanisi bwa mbonyi kuzwelela mwamatuli ‘AMTA mwa Katima Mulilo nebulekisizwe cwalecwale kwabakai bakwamukunda, mi nebafilwe lisiti yamasheleñi alikana N$280 000,” natolokile.

 


2022-06-27  John Muyamba

Share on social media
Bottom of a page