New Era Newspaper

MTC Shares
Icon Collap
...
Home / Mubuleli wazekiswa kasamulaho amafu ababalalu

Mubuleli wazekiswa kasamulaho amafu ababalalu

2021-09-13  John Muyamba

Mubuleli wazekiswa kasamulaho amafu ababalalu
Top of a Page

RUNDU – Mubuleli waKeleke ya Mupofita waTulo, yana tamilwe kulatelela mafu abatu babalalu bene ili limembala zakeleke yahae, bao akulubelwa kuli nabafile mulyani wamazwake, one utisize mafu abona. Nahanezwi kulifa masheleñi akulibelela muzeko wahae kwande, hane abonahalile mwakhuta yenyinyani ya Kahenge Labutanu. Hamutenya Engelbert walilimo zemashumi amabeli kazeketalizoho, ni mutusi wahae Elia Ihemba walilimo zemashumi amalalu kazesilezi, batalimana ni milatu yemilalu yabubulai kapa kutisa mafu, hamoho cwalo ni omuñwi wakubata kubulaya. Taba yabona neisizwe la 12 Sope 2022.

Engelbert ukulubelwa kuli nanwisize limembala zakeleke yahae bane batimezi mulyani wakuzwakanya sipiriti, vinegar ni lizwai. Nailo tamelwa kwamunzi waKarukuvisa kwano ilo fumanwa asweli kualafa batu kwamatuku ashelashelana, kasamulaho akuzwenga babalalu habatimela. Yomuhulu wasipokola mwasikiliti sa Kavango yaWiko Josephat Abel, nakile atalusa kuli batu babalikana mashumi amane nebalibelezi mubuleli kwamafulo kasamulaho amafu ababalalu.

 “Mwendi mutangana yoo kimubuleli hape kiñaka kanako yeswana. Kibumai kuli batu baitinga kwababuleli babuhata, kufita kuya kwalipatela kuyobata likalafo,” nabulezi. Nakile afa mamela kwasicaba kusaba babuleli babuhata. “Bane batimezi, ili balubasi luliluñwi, babihiwa kuli nebalifile mubuleli masheleñi alikana N$4 600, pili likalafo lisika kala kale. Mi nebana nikulifa masheleñi amañwi kasamulaho akufola. Haukoni nihaiba kulifa masheleñi akuma foo kwasipatela sa muuso,”nabulezi. Nakupile sicaba kunga mutala, nikuambuka kubea bupilo bwa bona mwakozi.


2021-09-13  John Muyamba

Share on social media
Bottom of a page