New Era Newspaper

New Era Epaper
Icon Collap
...
Home / Mubuso ukatusa lubasi lone lubulailwe ki mabeela

Mubuso ukatusa lubasi lone lubulailwe ki mabeela

2023-06-05  John Muyamba

Mubuso ukatusa lubasi lone lubulailwe ki mabeela

RUNDU – Batu balishumi kabasilezi hane batimezi kwa munzi wa Kayova kasamulaho baca lico za mabeela basazibi Lasabata viki yefelile, mubuso usweli kulika katata kutusa lubasi. Bane batimezi neba zibahalizwe kuba mwahala lilimo zetalu ni zemashumi amalalu kazetalu. Sikiliti sa Kavango ya Wiko sineuzi matente alobapeli. 

Mubusisi wasikiliti Bonifasius Wakudumo naize neulo kikalulo yalituso kuzwelela kwasicaba, ni ofesi ya Ngambela wanaha, yene ineuzi lico ni makwati mwakuyo buluka bane batimezi, ni ofesi ya sisole yene ineuzi limotikala za nzila. “Bo kibumai bwanaha kaufela mi kutokwiwa batu kaufela kutusa kuli bakone kubulukwa hande,” nekubulezi Wakudumo.

Mubusisi naize limembala zeñwi zakatengo kasikiliti neli potezi lubasi Labulalu, mi naize mayemo kwasibaka abonahala kuombalala, nihaike kubonisa fokusweu kuli lubasi lulobehile lipilu. “Sapili nelu amuhezi piho ya batu ba 13 bane bailo tatubiwa kwasipatela sa Nyangana, kono kabumai neba kula hahulu, mi neba timezi kaufela bona. Ba alafi neba ezize litatubo ni kulumela kwa labalatoli ya NIP, ni mwanaha South Africa, mi lukafumana kuli kiñi sene sitisize cwalo cwanuñu, nekubulezi ñaka kwasipatela la Rundu sa mubuso Jean Kalala Kabangu.

“Libiti zabona ni lipiyo neli sinyehile hahulu, mi nelusakoni kubapulusa,” nabulezi. “Nombolo kaufela yabane bacile mabeela inanuhile kuzwa fa 18 kutaha fa 24, mwanana kiwasilimo silisiñwi, mi yomuhulu kiwalilimo zemashumi amalalu kazetalu. Kabumai, balishumi kabasilezi sebatimezi kutisa cwale, bababeli nebailo timelela kwasipatela sa Nyangana,” nekubulezi muzamaisi walikolo la makete swalelele mwasikiliti sa Kavango ya Wiko Woyita Kapumburu.

Mapokola babihile kuli lipatisiso zabona lizwelapili kuamana nikukulubelwa kuli nebacile mabeela, kono bane batimezi neba zibahalizwe kuba Lishaka Shishugho 912) ni Albertina Shishugho bane bailo timelela kwa Nyangana Lasunda kakusasa. Shushugho Innoncetia, Matumbo Shishugho (6), Gende Mushongo (3), Chisola Litwayi (9), Liyomokera Kamuyoyo (2), Mununga Shishugho (14), Roswitha Mungamba (6), Rebbeca Mungamba (7), ni Liyomkela Kamuyoyo (9). Babañwi ki Rosalia Shishugho (10), Manguyi Mushongo (3), Anto Litwayi Ndumba (7), Gilbert Haushiku Shishugho (16) ni Petrus Shugho (20).

-Zeñwi zibihilwe kimutayi wa Nampa


2023-06-05  John Muyamba

Share on social media