Ongwediva  – Mukurona govaporosi Inspector General of the Namibian Police, Joseph Shikongo, katente asi age vana mudumbura mosipangero saOngwediva MediPark mouvali kaupwire konyima tupu apa gahamenene mehudi lyehauto. 

Shikongo kayinkondopekere eyi kosayitunga zaNew Era nkera nokutanta asiu age ngesi memmbo lyamwene ana kara, omu vana kumutekura ekoro lyendi, nye age simpe kapi ana tameke kurugana. ‘’ Ame nimuwaawa, kuna kundindira tupu niverukilire nawa nawa, yipo asi nitengure nikarugane yipo nirugana mokupopera muhoko gwaNamibia.’’ 

Yimo ana kutanta ngoso. Momazuva 30 Sindimba 2022, konyara 01h00, Shikongo kwahamenene mehudi lyehauto omu gakere kuna kusinga ehauto lyamwene monzira pokatji Oshikango naOndangwamonzira zomukunda Indangungu momukunda horowero gwaOshana. 

Mahauto kwalipondwere nomutwe nomutwe omu Toyata Double cab zaShikongo ntani Hundai zonzera omu mwatwarederere varondi moHundai vadogoroke poopo,ano Shikongo age kwamudukisilire kosipangero saOngwediva Medipark. 

Ava vadogorokere kwavadimbwilire asi Sofia Natangwe Annanias (22), Fransa Pombili Ndengu (27) ntani Stefanus Hafeni Shahafinge, nomvhura dendi kapi dina divikwa. Mokugwedako Shikongo kahundilire vantu asi vahageke kutanta nombudi doympempa omu vana kutanta asi age kuna remana unene, ntani asi age vana mutwara kosipangero peke ponze zosirongo. 

Vantu vahepa kuhageka kutanta yimpempa morwa kuna kupukisa vantu, nsene kwato eyi ono diva mwena tupu wahasanseka yimpempa. Age kapandwire vantu ava kavamutulire momakanderero.  Ame nina huyunga nekoro lyava kavadogorokere mehudi lyangesi, nokugava mbudi zange zokuhengagwida nokugava ruguuwo rwange. Nomwenyo dawo dipwizumuke nombili,’’ yimo ngos ana kutanta Shikongo. Age kahundilire vaporosi novantu wokulikarera varuganene kumwe varwanese ukorokotji mosirongosetu.  

– fhamalwa@nepc.com.na