Muzamaisi yomuhulu walikolo la njimo Ndiyakupi Nghihituwamata, ulemusize kuli likolo likayaha munshini omutuna wakubakanyisa nama, wamasheleñi alikana bolule bashumi amalalu ka baketalizoho (N$35 million) mwa Katima Mulilo. 

Kuyahiwa kwamunshini kuwela mwalikezo zabutokwa zesulezwi masheleñi kikatengo kaEU. Nabulezi zeo kanako yakutatuba sibaka sesilikana lihekele liketalizo, fokuka yahelwa munshini ili sesifumaneha bukaufi ni silaha ya Katima Mulilo. 

Nghihituwamata naize kwanda akuyahiwa kwamunshini obakanya nama, masheleñi ao aka itusiswa hape kuyaha sibaka sakukwalela likomu, hamohocwalo ni kuyandulula sibaka kokubulukwa limunanu sa Sachinga mwasikiliti sa Zambezi.

“Silaha ya Katima Mulilo ilekisa nama kwanda naha, ili kutoloka kuli lunze lusekisa nama yebutala kwalinaha zeñwi kusina hande ñambekelo sakata. Kuyahiwa kwamunshini obakanya nama, kukakonisa kuli nama ibakanywe hande, kanako yeswana kukatahisa misebezi (kanako yakuha ni kanako yakubelekisa munshini) mwasikiliti sa Zambezi,” naekelize. 

Kalulo yatuso yalimunanu ifumaneha mwalikiti zeli mutulo wanaha ili Kunene, Omusati, Oshana, Oshikoto, Ohangwena, Kavango ya Upa, Kavango ya Wiko ni Zambezi. 

Mulelotuna kikumbweshafa mulimelo walikomu kwabalimi basicaba, nikubona kuli bafumana teko sakata hala limunanu zabona. 

Isulezwi masheleñi alikana bolule ba 284 kikatengo kaEU.