New Era Newspaper

New Era Epaper
Icon Collap
...
Home / Mupendo wataku ni mulomo uzamaya hande

Mupendo wataku ni mulomo uzamaya hande

2021-11-08  John Muyamba

Mupendo wataku ni mulomo uzamaya hande
Top of a Page

RUNDU – Mutayi obona zamipendo yalimunanu mwaliluko la njimo upatehile kupenda limunanu kabuñata, ili kulisileleza kwabutuku bwa kamita bwa taku ni mulomo, hamoho cwalo ni kwakakokwani kakanca kane kafumanwi mwasikiliti sa Zambezi kakazibahala ka0. Lipatisiso mwalabalatoli la 9 Muyana neli bonisize kuli kuna ni butuku bobunca, bobuzibahala ka0, la lapili mwanaha Namibia kakokwani kakanca kaswaliwa. Lipatisiso neli ezizwe kasamulaho likomu libonisa kusafola halifezwa kupendiwa. Mutayi sokala kupenda likomu la 21 Muimunene, mi palo yefita fa135 137 nelipendilwe mupendo waSATs, mi zelikana 131 556 nelipendilwe mupendi wa0, hala likomu ze141 678.

Liluko libulela kuli mungendenge uzamaya hande kakuli balimi banze baswalisana ni babeleki, mi batisize likomu zabona kwamupendo kwalipango zeli bukaufi. “Taba yeo itoloka kuli lupendile nombolo yalikomu yezwelapili kupahama yefita fa79.5%, hala sikonkwani sakupenda likomu zelikana 170 000 mwasikiliti sa Zambezi,” nekubulezi Jona Musheko, sibuabui waliluko la njimo. 

Nabulelezi New Era kuli mupendo wabubeli wakuhulisa masole amubili nokalile la 19 Yenda, mi kuzwa la 22 Yenda likomu zelikana 12 746 hala zelikana 13 124 neli isizwe kwalipango kuyo pendiwa. “Piho yene zibahalizwe yamafelelezo nebihilwe kwamunzi waMukisa mwasikiliti sa Zambezi, mi kuhanisa kuzamaya kwalikomu mwasikiliti kuzwelapili mwalibaka zelemuhilwe kuba mazwelo ni makenelo,” natolokile.

Musheko naize liluko lilela kupenda likomu zelikana 170 000 mupendo wakamita waSAT 1,2 ni 3, ni wakakokwani kakanca ka0, mi likomu zelikana 97 600 neli amuhezi mupendo waSAT 1,2 ni 3 mwahala 31 Kandao ni 9 Muyana, kamukwa wakualabela kwakuzuha kwabutuku. “Hakuna lisupo zabutuku bwataku ni mulomo zene bihilwe wiko wasikiliti sa Zambezi, mwanako yakukala kwamungendenge. Kacwalo, mupendo uzamaya hande. Kalabelo yabalimi niyona ibile yende mwanako yamupendo,” nabulezi. “Lususueza balimi kuzwelapili kutisa likomu zabona kwamupendo wabubeli wakumatafaza masole amubili, ni kulatelela litaelo zetomilwe mwasikiliti hala kuzamaya kwalikomu,” naekelize.


2021-11-08  John Muyamba

Share on social media
Bottom of a page