Musali walilimo zemashumi amalalu kazelobañwi, nalibelezwi kubonahala mwakhuta ya tolopo ya Eenhana kamulatu wakubulaya nyazi yahae walilimo zemashumi amalalu kazene.

 Kukulubelwa kuli yanyazwa nabulaile nyazi yahae Labubeli busihu kakumutaba lilumo hane basweli kukanana kwandu yahae kwamunzi waOnaame, mwasikiliti sa Ohangwena. 

Nyandi nazibahalizwe kuba Gabriel Taapopi. 

Mahe yanyaziwa Ndahambelela Shinana (68), nakandekile kuli limbembala zalubasi neba zusizwe kililata la likañi mwahala mwanahae ni nyandi kanako ya 23h00. 

Bubeli neba yozwelela kwasintolo.

“Seniya kwamusiyo wabona nikuyo fumana mwanake asweli lilumo, afumbela kutaba Taapopi. Nabulela kuli nakataziwa ki Taapopi, mi nasakatezi kulatelelwa nihane abulelezi Taapopi kuli hasamulata,” nekubulezi Shinana. 

“Manzwi ane abulezi neli kuli: ‘Neni kubulelezi kuli usiye kuni latelela. Neni kubulelezi kuli usike wataha kwandu yaluna. Nika kubulaya.’ Seni bulelela mwanake kuli alule lilumo, kono safumbela kuni taba nina. Sa nikasheza fafasi, hane nilika kubalamulela. Senisaba, nikukala kuhuwa kukupa tuso,” nabulezi.

Mushemi wamusali yana bonahala kufilikana naize kihamatela kwandu yabe babapani nibona kukupa tuso. 

Nako yebayo kuta ni lindambo batofumana yanyazwa asweli kuhoholola situpu sa Taapopi kusizwisa mwandu, mali anze abuba kwamulala. 

Abulela kuli yanyazwa nakile abaleha fasibaka sa kezahalelo. 

“Hani zibi sa kubulela; hanizibi sa kueza. Mwanake wamusizana ulutiselize butata bobutuna kakubulaya mutu,” nabulezi. 

Yabona zakubatisisa bubangoki mwasikiliti sa Ohangwena Zachariah Amakali naize yanyazwa nailo tamiwa Labulalu hane afumanwi aipatile mwalibumbu.