New Era Newspaper

Icon Collap
...
Home / Musupali uuzwezwa N$100 000

Musupali uuzwezwa N$100 000

2021-06-07  Festus Hamalwa

Musupali uuzwezwa N$100 000
Top of a Page

Musalimuhulu walilimo zemashumi asilezi kuzwelela kwa Oshakati ya wiko, ulatehezwi masheleñi alikana N$100 000, kasamulaho yakulubelwa nazwisize masheleñi kabulyangelino mwasibulukelo sahae kwapanka. Mutatubi wasipokola Thomas Aiyambo naize musupali naile kuyozwisa masheleñi mwahali ya panka ya Windoko kwamutayi wa Ondangwa, kanako ya 10h30 Lamubulo. “Kasamulaho amizuzunyana yebato eza yelishumi, nalizelizwe kinombolo yakwamukunda, nikubulelelwa kuli uwinile voucha kuzwelela kwa MTC. Nakupilwe kufa litaba zakwapanka yahae, mi naezize cwalo nikufa litaba zahae, kuli masheleñi alifelwe mwasibulukelo sahae sa kwapanka,” nabulezi.

Kanako ya 13h00, aiketela kuya kwapanka ya Windoko kuyo kwala sibulukelo sahae. Hayo fiya kwapanka ayo talusezwa kuli masheleñi alikana N$100 000 nazwisizwe mwasibulukelo sahae. Kutisa cwale hakuna sesi fumanehile. 

Yakulubelwa hazibiwi mi hakuna yasa tamilwe, kono musupali uakaleza kuli yomuñwi yabeleka kwapanka natusize lilengwami. Muzamaisi yomuhulu yabona zapanka James Chapman naize, “taba kanako yacwale iswelwi kubatisiswa katuso yamapokola. 

Kacwalo halukoni kupatulula litaba zeñwi kanako yacwale. Panka itamile kutusa yauzwelizwe kuli afumane masheleñi ahae.” Mapokola nipanka baelelize sicaba kuambuka kufa litaba zabona kwabatu bababalizeza nilinombolo zakwamukunda.


2021-06-07  Festus Hamalwa

Share on social media
Bottom of a page