New Era Newspaper

New Era Epaper
Icon Collap
...
Home / Muyaho watibelelo usupezi

Muyaho watibelelo usupezi

2023-04-17  Correspondent

Muyaho watibelelo usupezi

Taimi Haihambo

 

ENGELA – Muyaho watibelelo wabasali babaitwezi kwasipatela sa mubuso sa Engela usupezi hahulu, ili kalulo yekona kubea makete abasali bamwanda babapila teñi swalelele mwakozi. 

Muyaho one ukwaluzwi lilimo zelishumi kazene zefelile kiyanali Mufumahali wapili Penehupifo Pohamba, se uli mwamayemo maswe angelezi cwalo kimahaulo apwacehile, mamatiresi apunyehile, mimbeta yelobehile ni muunko omaswe ozwelela kwalimbuzi zefasize.

Mwasituwa sekuzwalela minañi ni mafele. Kuekeza fo kupila batu babañata.

Muyaho hausebeliswi feela kibasali babaitwezi kono usebeliswa cwalo ni mabasi ana ni bahabo babalobalizwe mwasipatela. Buñata babulela kuli habana maino habalibelezi bahabo kuli bafole. Buñata kibayahi banaha Angola.

Ester Nghifivali mushemi wamusali ili muyahi wanaha Namibia, naize hakuna mukunda mwamuyaho, mi musali ya itwezi una nikutapa nikutina babañwi inze babona.

“Mamatiresi asupezi, mimbeta ilobehile mi halulobahali hande, mutu hazuha uzuha ni butuku mwamukokoto. 

Mane babañwi baiketela kulobala feela fafasi” nekubulezi Nghifivali. Muyaho una ni malobalo alobapeli, mokukona kulobala basali balobapeli muzuzu ni muzuzu. Kono kanako yacwale mwamuzuzu ulimuñwi kulobala basali ba 12 kuisa kuba 15. 

Liapehelo halisa beleka mi babañwi seba apehela fande. “Mubuso uswanela kueza sesiñwi kulu fumanela maino sina buñata bwaluna halusapili mwa Engela,” nekubulezi Keukeinge Shuukifeni, mubabalaleli yomuñwi.

Muyaho ulifisa N$14 mwaviki. Kanako yacwale, hakuna ofesi yefilwe kubabalela sina katengo kasikiliti sa Ohangwena ni likolo la makete habasupana minwana. 

Muzamaisi yomuhulu walikolo la makete Ben Nangombe naize muyaho hauyo mwapabalelo yalikolo la hae, mi nabulelezi mubihi yo kubuza katengo kasikiliti.

Kono muzamaisi wakatengo kasikiliti sa Ohangwena Fillipus Shilongo, naize neba okamezi feela kuyahiwa kwa muyaho kaswalisano ni katengo ka NIP ni mubusisi sapili Uusko Nghaamwa. Paki yomuñwi yaziba lika naize likolo la makete ni katengo katolopo ya Helao Nafidi kanako ya cwale basweli kuswalisana kubabalela muyaho.


2023-04-17  Correspondent

Share on social media