Omukiintu gwomimvo 32, no hanona ye yoomwedhi hamano mboka omidhimba dhawo dha adhika metente lyoombinzi Etiyali lyoshiwike shika, otaku fekelwa ya dhipagwa komusamane gwe ngoka a kahulitha moshiponga shohauto konima owala yokathimbo okafupi.
Sha ikolelela kepeko lyopolisi, omidhimba dhoka okwa li dha itsuwa komunahambo, miihwa, ookilometa ndatu oku za mOtjiwarongo okuya kOkahandja, ethimbo lyongula.
Omulumentu ngoka ta fekekelelwa edhipaga lyakuume ke komiihole oshowo okanona ke, okwa li a si moshiponga shohauto, pethimbo taku fekelwa kutya okwa li ta zi koshiningwanima shoka she dhipago.
Opolisi oya ti, omulumentu ngoka omuZimbambwe Bright Ndera gwomimvo 50 pethimbo lyoshiponga shohauto, okwa li mo natango na nomukulukadhi gwe gumwe a li, gwomimvo 40, ngoka a mono oshiponga noonkondo. Otaku fekelwa wo kutya Ndera okwa fa a hingile ohauto ye owina meloli opo andola a idhipage ye a dhipage wo omukulukadhi gwe omutiyali.
Otaku hokololwa kutya oshiponga shoka osha holoka ookilometa 18 oku za mOtjiwarongo potundi 00h20 koongulasha dhEtiyali.
Omukiintu ngoka nohanona ye, okwa li ya adhika yena iilalo ayehe komitse dhawo, yalala metale lyoombinzi. Otaku hokololwa kutya omukiintu ngoka a li aadhika mohauto ya naku sa, oku li moshipangelo shaTjiwarongo, monkalo yi li hwepo.
Kape na uuyelele natango pethimbo ndika kutya oshike sha etitha oma so gaantu mboka yaali.
Naku dhipagwa okwa dhidhilikwa nedhina Clodin Mutsvairo nohanona ye, Hope Ndera. Tayi ti, Ndera na Mutsvairo oya kala mekwatathano lyopahole.
Omakonakono gwopolisi oge li metifa, naakwanazimo oya tseyithilwa kombinga yoma so ngoka.