New Era Newspaper

New Era Epaper
Icon Collap
...
Home / Nama ya kwambowela haina kutula mubamba omufubelu

Nama ya kwambowela haina kutula mubamba omufubelu

2023-02-20  Edward Mumbuu

Nama ya kwambowela haina kutula mubamba omufubelu

Balimi mutulo wanaha baka katuluha kasamulaho mubuso uhapeleza makampani afumaneha mutulo kuleka nama kwabalimi bao. Makampani ao angelezi cwalo ni likolo, likolo zalituto zepahami, lipatela zamubuso ni litolongo. 

Keto yamuuso ifumaneha mwamulao one uhatisizwe la 31 sope ki likwambuyu wasikwama sanaha Ipumbu Shiimi. Mulao ubata kuhulisa sizwale ni kuzwisezapata milao yebona kuli lika lieziwa hande kusina kushekesha. Mulao ulaela maofesi amuuso, makolo ni tutengo totufumaneha mutulo wanaha, kubona kuli nama yelelwa kuciwa iswanela kulekiwa mutulo wamubamba omufubelu.

“Katengo kapa likampani zasicaba baswanela kubona kuli mapampili akubata kufa peleko atalusa kuli nama yalifolofolo zataku ni mulomo, kungelela cwalo ni nama yakomu, lingu, lipuli, likulube kapa yanaheñi iswanela kuzwelela mutulo wamubamba omufubelu, mi iswanela kulekiwa kwabalimi babafumaneha mutulo wamubamba,” nekubulezi Shiimi
mwamulao. Kacwalo kuleka nama mbowela wamubamba omufubelu kuhanisizwe. 

“Hakulumelelwi kuleka nama yalifolofolo zataku mbowela wamubamba omufubelu kuisa mutulo wamubamba omufubelu, kwanda akuli nama yeo kiyenyinyani kapa ifelile mutulo wamubamba omufubelu,” neku ekelize Shiimi.

Kono kuna ni litaelo zeñwi. Simbule sanama yeo iswanela kuba masilaha ahatisizwe ki katengo kakabona zanama mwanaha Namibia, kwanda akuli limbule zeo nama kiye nyinyani kapa ifelile. 

Mwalilimo zefelile balimi mutulo wanaha babilaezi hala taba yakukungulelwa kwatuko yetisizwe kimubamba omufubelu, hamoho cwalo nikutokwa musika, mafulelo sakata, busholi bwa limunanu ni kutokwa tuso yamasheleñi. 

Mubamba omufubelu unga kalulo ya Kunene, Omusati, Oshana, Ohangwena, Oshikoto, Kavango ya Wiko, Kavango ya Upa ni Zambezi. Zeo halili cwalo Job Amupanda umwa khuta kulwanela kuli mubamba omufubelu ulundulwe. 

“Hanina kuzwafa nihanika latehelwa zenina nizona kaufela, kufitela mubamba ulundulwa,” Amupanda nabulezi
ñohola.


2023-02-20  Edward Mumbuu

Share on social media