Ondjira komurungu oku hupika otjirwa mo mwano kangamwa uahe mburipo mu muna oku kwa ko ma rumbi vo vatena kwao me koverwa ra Africa nganduu mo magi wo zo nganda.

Ozombara zOvaherero nOvambanderu kehi yehika no ngutiro yOnÿuvira yAavehe ya Kandjoze ma ze raisa nao. Po mbongarero yo zo mbuze erero mo Tjomuise yo rutuu kozombuze ndwa reserwe iumwe wovahaamise vevari vo vi havero vio komiti oungurire yo zo mbara, Mbakumua Hengari. Indi ezirira ko mambo nga pitire mo zo mbuze otjiveke tji tja zuko kutja ohoromende yEhi rOvandoiji ya nakaura kutja Oruyano rwa Pamwe ru yarukirirwe no ku tarururwa koupe.  Pu ma pe hee ko kutja otja kuyo kanaa pekare otjihungiriro tjarwe ohunga nOruyano indwi. Onguramo yEhi rOvandoitji indji yeiraisire mo ma ziriro wayo ko ma puriro omweze mbwazuko wo unepo wOndjuwo yOzoveta yehindo ongondoroka no ngaro pokati ka Namibia nehindo na wina Oruyano rwa  Pamwe.

Ozombara ma ze tja omanakauriro wEhi rOvandoitji  woma  yarukiriro wo tjihungiriro tjo Tjitiro Otjindjandja, Ondjesiro nOtjisuta ka tji kumise kaparukze kuwo  tjinge owo nandarire eve hiya kara kehi yo tjiwova kutja Ovandoitji vena indu pu va yakura ka tjotjiri kutja ohoromende yo vati no vakuru vawo yo huurire ina indu puya yazepere Ovaherero, Ovambanderu nOvakwena otjindjandja.  Puma pe hee kutja oyo nandarire inÿa ozombura hamboumwe nÿukuza aa ihungire kuno horomende ya Namibia no zo ndekurona zo TjiÞiro, nangwari kaari mo watjiri. Nungwari oyo aa yiungurire ozonÿero zo vahungire vo Tjindoitji mo Namibia. 

Mavetja munao oyo opwii pandera ngamba ozondekurona zo Tjitiro okurira orupa kuzo ozeni otjo vakuramenepo vo mihoko mbia Þunwa. Mo ku panda ingwi ohoromende yOvandoitji itjiwa kutja mo tjihungiriro ihi kaina owatjiri tjinga oyo aihina ye ripurire nu aihiyarora okurira ombaturuke okuzirira  ku imbi mbi kuza omerizirira wayo wo ma kuruhungi nongaro youndu. Ozombara tji ma zetja aave petjiwa nawa kutja otjihungiriro ihi katjina undu tjari ohunga nOtjitiro Otjindjandja, Ondjesiro no Tjisuta.  Otjiraisiro tja nao otjohi otji viase tji tjiri mo Ruyano Rwapamwe, otjo tji tjitona otaksa yo ko mbanda yo ngarero no ngaro pokati komahi ayeevari inga.