Ehangano lyoNamdia olya yambidhidha omandiki ga yooloka noshimaliwa shakonda poomilliona N$7.1 nelalakano okulwitha omukithi gwoCovid-19.

Omupopiliko gwehangano Beverley Coussement okwa ti, ehangano ndika olya kala lyi itula mo nolya kala lyina oshisho shokuyambidhidha omandiki okulwitha omukithi gwoCovid-19 okuza ethimbo gwa ponokele moshilongo. “Namdia mekwatathano naayakuli ye ngaashi  Dev Jewels, Diamnd Trading, Diamwill, Dhamani, Kapu Diamonds oshowo Samir Gems oya yambidhidha noshimaliwa shoomillinona
N$7 146 328 koshikondo shuuhaku nonkalo nawa,” ta fatulula ngaaka.

Ta ti, oku yambidhidha omandiki taga lwitha omukithi nguka, oshi nakugwaitha oshi li shimwe shomiilalakanenwa yoNamdia opo ku sindwe omukithi ngoka noshilongo shaNamibia shi galukile konkalo yoshito. Coussement ta ti, ehangano otali lalakenene unene oku yambidhidha oshikando shuuhaku, elongo oshowo omawudhano una ya taalela uupyakadhi nenge ya pumbwa omayambidhidho gwomeendeelelo. “Uuministeli wuuhaku okwali wa yambidhidhwa natango nomashina gatano  goku fudhitha gongushu N$630 000 oshowo omashina niikwathithi yomifutho yayooloka  yongushu N$3073 633.64,”  ta ti ngaaka.

“Otwali twa kundana kutya iipangelo oyindji moshilongo oya taalela uupyakadhi wiifudhitho, sho shoka twa kambadhala oku yambidhidha ngaaka, ihe natango ota tu tsikile oku yambidhidha niifudhitho,” Coussement ta popi ngaaka. Ta gwedha po ta ti, Namdia okwa yambidha natango omahangano niikondo ngaashi
Goverment National Disaster Fund, Public enterprises CEO’s Forum, City of Windhoek, Rober Mungabe Clinic oshowo miitopolwa ya yooloka moshilongo. 

“Oomilliona N$4 072 694 odha li dha longithwa kehangano ndika oku tunga oshipangelo  koMariental, nelalakano lyoku kwathela noku gandja omayakulo oshowo okulwitha omukithi gwoCovid-19,” ta popi ngaaka. Ta ti, Namdia ota tsikile oku gwanitha po omauvaneko agehe noku kwathela oshilongo uuna sha taalela omaupyakadhi ga yooloka.