New Era Newspaper

New Era Epaper
Icon Collap
...
Home / Namdia a yambindhindha neshina lyomeho lyongushu yoomilliona N$1.5

Namdia a yambindhindha neshina lyomeho lyongushu yoomilliona N$1.5

2021-10-04  Victoria Kaapanda

Namdia a yambindhindha neshina lyomeho lyongushu yoomilliona N$1.5

Ehangano lyoNamdia onkene ta i tsikile okulongela uuwanawa omandiki ngoka lyu uvaneka okutsakaneka ondjilakati uuna ga taalela uupyakadhi nenge ge li mompumbwe.

Etitano ehangano lyoNamdia olya yambidhidha oshipangelo shomeho shedhina Eye Clinic moWindhoek neshina lyomeho lyongushu yoomilliona N$1.5.

Omupopiliko nomugandji gwomauyelele gwehangano ndyoka Beverley Counssement okwa ti eshina ndyoka lyongushu lyedhina “Optical Coherence Tomography” olyo lyotango momandiki agehe guuhaku.

“Eshina ndika olyi na uukwatya owindji, nota li ka kwathela lela aantu mboka ye na uupyakadhi womeho oshowo taya lumbu nomikithi dhomeho,” ta ti ngaaka.

Ta gwedha po ta ti, aapangi yomeho moshipangelo moka oyo aanelago oshoka otaya ka longa nuupu notaya ka gandja omakwatho taga ka pula eyambidhidho lyeshina ndyoka. Counssement ta ti, oya gandja eshina ndyoka onga oshinakugwanithwa shehangano lyawo. Ta ti, eshina ndyoka lyondilo olya simana okukala lyi li mendiki lyuuhaku, okukwathela mboka ye na uupayakadhi womeho oshoka ohali gandja omakwatho ga simana.

“Ehangano lyetu shotango olya totopwa olyuuvaneke okuyambindhindha omandiki ngaashi elongo, omaudhano oshowo uuhaku uuna ga taalelwa komaupyakandhi,” ta popi ngaaka.

Ta ti, oya kambadhala notaya tsikile okuyambidhidha omandiki ngoka oku ga tsakaneka ondjilakati, uuna ga taalela uupyakadhi nge ga pumbwa eyambindhidho.

Sigo oompaka omandiki ngoka oga kwathelwa nokashona ya gandja, ihe natango otaya itula mo notaya gwedha ko komakwatho.

Omukuluntu mendiki lyuuhaku Ben Nangombe okwa li a taamba ko eshina ndyoka peha lyuuministeli awuhe. – vkaapanda@nep.com.na


2021-10-04  Victoria Kaapanda

Share on social media