New Era Newspaper

New Era Epaper
Icon Collap
...
Home / Namibia a mono omuti omupe gokutuntila gwedhina Sputnik

Namibia a mono omuti omupe gokutuntila gwedhina Sputnik

2021-08-23  Victoria Kaapanda

Namibia a mono omuti omupe gokutuntila gwedhina Sputnik

Victoria kaapanda

Serbia okwa yambidhidha Namibia nomuti omupe gwokuntuntila tagu ithanwa Sputnik V nuukende wu li 50 000 mEtitano, ngoka kwa li gwa longwa moRussia. Omuti ngoka ogwa gwedha omiti dhokutuntila  dha kala mo nale AstraZeneca oshowo Sinopharm.

Vietnam oshowo Serbia oya landula iilongo ngaashi  Netherlands, United states of America, India ,Germany oshowo iilongo yilwe sho ya kala noku yambidhidha Namibia niikeelelitho oshowo iikwathithi  okulwiitha omukithi gwoCovid-19. Epangelo lya Vietanam olya yambidhidha nuumasika 65 200 oshowo omashina gane, giifudhitho.

Serbia okwa yambidhidha no miti dhokutuntila, uukende wuli 50 000. Minista guuhaku nonkalo nawa Kalumbi Shangul okwati, omiti dhoka dho Sputnik odha gwedha omikwawo oku andjaneka oompito dhoku tuntilwa opo omukithi ngoka gu sindike.

“Natango otwa tambula omiti dho maludhi twa kalana nadho nale, esiku ndyoka. Onkene oshigwana otashi kumagidhwa shi tsikile okukatuntilwa oshowo okumanako omalweetho agehe,” ta kumagidha ngaaka. Shangula ta ti, omiti dhoka ka dhina nando uuwinayi washa ngaashi omapopyo taga taambathanwa komalungula, netompelo lyoku hongolola aantu kaaya tuntilwe

“Otandi tsikile okukumagitha noku tseyitha uuwanawa woku tuntilwa, kehe ngoka a tuntilwa, a mana ko omalweetho agehe gaali, ota henuka eso oshowo oku kwatwa komukithi gwoCovid-19,” ta kumagidha ngaaka. “Ehogololo lyili mondjila okutuntilwa, okugamena omwenyo goye, aapambele yoye oshowo mboka hokala mekwatathano nayo,” ta popi ngaaka.

Ta ti, oshigwana ngele osha longele kumwe, eta shuuvuko shoka tashi kumagidhiwa nasho okuza kwaamboka yena ontseyo, okulwitha omukithi nguka, Namibia otaka sinda oCovid-19 muule wethimbo ehupi.

“Shoka sha simana okugwanithapo omalandulathano noompango ta dhizi koshikondo shuuhwaku, ngele kehe gumwe okwa tuntilwa, ompito yoku kwatwa komukithi gwoCovid-19 oya shonopola,” ta ti ngaaka.  Minista okwati, oya dhidhilike iipotha tayi shonopala oshwo omaso, ihe omolwa oyendji ya kutha etokolo lyomondjila lyoku tuntilwa.


2021-08-23  Victoria Kaapanda

Share on social media