New Era Newspaper

New Era Epaper
Icon Collap
...
Home / Nashilongo ta ti ovalumenhu na va xulife po okukala tava shadaula ovakainhu vavo

Nashilongo ta ti ovalumenhu na va xulife po okukala tava shadaula ovakainhu vavo

2021-09-20  Festus Hamalwa

Nashilongo ta ti ovalumenhu na va xulife po okukala tava shadaula ovakainhu vavo

Omupopiliko wehango loshikonga shokukondjifa omahepeko oukashike kookanhu loMonica Gender Equality, Human Rights noSocial Justice Shaanika Nashilongo ota kunghulile ovalumenhu opo va xulife po okukala tava shadaula ovakainhu komalungula.

Nashilongo edi okwe di popya konima eshi ehangalo lavo leshipondola opo likwatife po omulumenhu weedula 40 a kwatwa po kopolifi yaNdangwa Etine eshi ashadaulu ohonda yaye, ei faneka ndele ta tula omafano omukainhu komalungulunga.

Konima eshi omulumenhu a tula omafano ohonda yaye ehangano loMonica Gender Equality, Human Right naSocial Justice ola ninga onghendambala opo li kale lalopotela opolifi nokukwata po omulumenhu ou.

Pefimbo Nashilongo a ninga eenghundafana naKundana Etitano okwa hokolola ta ti mokatendo 117 kopaveta yomakwatafano opaungombo ota ka ti kutya, osha puka okufaneka omunhu ndele tomutula komalungula shi eli papitikilo laye.

Okwa fatulula okatendo 117 ta ti ina shi pitikwa omunhu a longife efano lomunhu papuko komalungula, yee tayelifa ta ti omunhu oha pewa ehandukilo lopaveta.

Okwa ti ehangano lavo otali lalakanene opo li xulife po omahepeko oukashike kookanhu, nokukwashipaleka kutya oufemba womunhu keshe owa fimanekwa.

Okwa denga omufindo ta ti ovalumenhu na va fimaneke ovakainhu vavo, nokukala veli ka leka kokule okulongela ovakainhu oilonga youshada.

Okwa ti ku keshe ou te kelihanga eli monghalo yokuhepekwa na kale a lopotela ombelewa yavo konomola yongodi ei 0812222077 ile oshiwana shi kale sha lopotela opolifi opo omahepeke oukashike kookanhu a kale axula po.

Nashilongo okwa weda po ta ti ehangano lavo oha li yandje omaxungomweno kounona ile kovakulunhu tava hepekwa. 

Okwa kunghulila ovakainhu opo va kale veli oupafi ngeenge veli novalumenhu meenduda shaashi ovalumenhu vo paife ohava faneke ovakainhu ndele tava yandjaneke omafano komalungula.

-fhamalwa@nepc.com.na


2021-09-20  Festus Hamalwa

Share on social media