New Era Newspaper

New Era Epaper
Icon Collap
...
Home / Ndu yamusalimuhulu yatuka kwa Linyanti

Ndu yamusalimuhulu yatuka kwa Linyanti

2021-09-20  Aron Mushaukwa

Ndu yamusalimuhulu yatuka kwa Linyanti
Top of a Page

LINYANTI – Ndu yamusalimuhulu walilimo zemashumi aketalizoho kazeketalizoho, ili yakula butuku bwakutakana neyakezi kwamulilo Labulalu manzibuana. 

Muzwale kumusalimuhulu yoo naize sene sitisize mulilo woo hasisikazibwa kale kutisa cwale. 

“Mulilo nokalezi kwamulaho wandu, mi lapa neli yakezi kwamulilo ni kukala kuambalakana. Kezelaka satokwa tuso kakuli habeleki, hape wakula. Kacwalo nibata kukupa kaufela babakona kutusa kuli batuse” nekubulezi muzwale kumusalimuhulu Kingsley Siyata.

Natolokile hape kuli nihaike nebakonile kupulusa libyana zene lili mwandu, litino ni likubo zene yanehilwe famufola, ni libyana zeñwi zene lili kwamulaho wandu neli sinyizwe kimulilo. 

Naize sinyehelo kaufela ikona kufita famasheleñi alikana N$3 000. Hakuna likolofalo zene bile teñi. 

Nazwezipili kutalusa kuli nebakonile kutimisa mulilo kakuka mezi fampompi yefumaneha mwahae. 

“Lwaitumela kwatuso yene lufumani kubabapila mwahae, bane balutusize kutima mulilo kusi cwalo lapa kaufela nelika sinyiwa kimulilo,” nekubulezi Siyata.


2021-09-20  Aron Mushaukwa

Share on social media
Bottom of a page