New Era Newspaper

New Era Epaper
Icon Collap
...
Home / Ngarano wa omborora na upundisa mu Suramazeva 

Ngarano wa omborora na upundisa mu Suramazeva 

2021-07-02  Kae Matundu-Tjiparuro

Ngarano wa omborora na upundisa mu Suramazeva 
Top of a Page

Otjomuise- Hapo omweze imbwi Ngarano wainivi nai tji mau upumbura outi wambeto nganda aupundisa mu Suramazeva.  

Watengere na Mburumba Kerina, auya pOmbara Otjitambi yOvaherero, Vekuii Rukoro nu kuye otjiveke tji tjazuko akuteza ozonongo mbari, Ngarikutuke Tjiriange na Tjitana Ngavirue otjiveke tji tjizuko. Atuhiti motjiveke ihi omambo oyongo aye kotoka omandaambe omayuva womasuviro ngazuko autjiti na ku ngwari orata yOkarukondua kOmatoororero ka Mongua, Jaurovandu Uanguta. Nai otjiveke ihi omambo kaye yarara oonga omweze imbwi wa tjiti nao rukwao watoora orutavi orukukutu rwa Swanu, Sondaha Kangueehi nu imbwi mbu twautire erero autoora Ombara yOvambanderu, Kilus Munjuku III Nguvauva.

Na varwe na varwe. Ongahukiro okoo kutja imba nai mbahakanwa, otjingi tjavo ovandu mbari norupa rumwe poo rwarwe motjirwa tjongutukiro ya Namibia okuutira ko zo mbura za Katjikururume KuÞako nganduu ehi tji ma riye kukutuka. Kangueehi wari okaøepo okaÞakame no ka piuke mo Swanu ya Namibia, eye novangu ve Kuzeeko na Noag, tjinene mbu ma vetjiukirwa ko ku kurama otjo tjiku tja tjaveva motjirwa tjongutukiro moukoto wehi nu tjinene oku pirukira otjiwova tjo ma zengururiro wo moukoto wehi wo tjihoromende tjombangu yo tjivara tja South Africa. 

Onÿikameno no nÿakameno ya Kangueehi ye mu humisisa kohoromende indji nganduu tjaa hupu kehi yongunino yomburuma nu nandarire omwinyo we autandwa nganda ozondjuwo zao mOkahumandu ka Mongua ozombura tji ma ze kawisa ozombura inda o 1970, o 1978 osemba,  o 1978 aze hwikwa no wo oveni novangu ve averire ovandu ovahazerwa nu mbehupa kehi yooma yotjihoromende ihi nounakare watjo wotji porotika noumuhoko. 

Otjomundu wo tjivepo tjombwaneno norusuvero rwe hi re, puno vombepo tjingoye, tjimuna oo Nathaniel Maxuilili, Daniel Tjongarero, Martha Ford, Hitjevi Veii, Mokganedi Thlabanelo, Axel Johannes, na Joshua Hoebeb, avetu ehika rom,bwaneno rotjirwa tjo ngutukiro indi o Namibia National Convention. 


2021-07-02  Kae Matundu-Tjiparuro

Share on social media
Bottom of a page