Festus Hamalwa 

Ngoloneya waHangwena Walde Ndevashiya pamwe nakansela woshikandjohoololo shaShikango Esther Ndatala Nghidimbwa ova talela po omaumbo ovakulupe ava ve li momhumbwe tava mono oixuna.

Ngoloneya nakansela ava ova talale po ovakulupe momukunda Oshimumu u li moshikandjohoololo shaShikango, moshitukulwa shaHangwena Omandaxa. Ovakulupe ava ova pewa oikulya ngaashi oukutu voufila, oshivelelwa nosho tuu oikwafifi ikwao ya wedwa po.

Ndevashiya okwa ti ombelewa yaye oi na oshisho noshiwana ashishe eshi shi li momhumbwe, onghee ota twikile nokukala ta kwafa ovakulupe ava ve li momhumbwe moshitukulwa shaye.

Ovakulupe ava okwa li ve li momhumbwe yoikulya, noikwafifo yomeumbo, vo ove li natango va pumbwa nonduda yokunangala i li pamufika muwa. Kansela Ndatala okwa ti ota kakwafele ovakulupe ava opo va kale va mona onduda yavo yokunangala i li pamufika muwa, yee ta ti oshi li oshinakuwanifa shaye onga kansela woshikandjohololo shaShikango opo a kwashipaleke kutya okwa kwafela ava ve li momhumbwe.

Nghidimwa okwa ti ovakulupe ava ovo aveke hava di meumbo, onghee oshi li eshongo lakula kuvo nokukala va longelwa oushada kookalyamupombo. Okwa ti ovakulupe okwa li va pandula unene kekwafo eli va pewa kungoloneya nokukansela.

Nghidimbwa okwa ti ovanhu aveshe nava kufe ko oshiholelwa opo va kale tava yambidida ava ve li momhumbwe.