Ohanona yoomwedhi hetatu oya si sho anuwa ya gwile mokahela komeya moshitopolwa shaShikoto.
Sha ikolelela kuuyelele wa gandjwa komukuluntu gwopolisi moshitopolwa shaShikoto Armas Shivute oshiningwanima shoka osha holoka momukunda Ompugulu moshikandjohogololo shaNayena.
Otaku hokololwa kutya ohanona ndyoka okwa li yi li nomuniilonga megumbo.
Ta ti, anuwa ohanona okwa li ya kookaya sigo omokayemele komeya moka ya gwile.
Otaku hokololwa kutya ohanona oya nhimbululilwa ya sa sho kwa li ya thiki pokapangelo kaNayena.
Ohanona oya tseyika nedhina Tunna Lizza Tanna.
Aakwanezimo oya tseyithilwa nale. Omakonakono gwopolisi otaga tsikile.