New Era Newspaper

New Era Epaper
Icon Collap
...
Home / Okamatyona (9) ka si omeya

Okamatyona (9) ka si omeya

2022-01-04  Victoria Kaapanda

Okamatyona (9) ka si omeya

Okanona kokamati hoka ka li taka mbwindi omeya pamwe nookuume kako, oka si omeya Osoondaha ya zi ko mehala lyomayinyanyundho Bennies Entertainment Park mOngwediva.

Omukuluntu gwopolisi moshitopolwa shaShana Rauha Amwele okwa ti oshiningwanima shoka osha holoka lwopotundi 16h00 yokomatango.

Otaku hokololwa kutya okanona hoka oka li metonatelo lyomushiinda shawo ngoka a li e ya fala koBennies, ihe otaku hokololwa a li inaa mona okanona hoka ethimbo ndyoka ka li ka si omeya , nokwa tameke te ka kongo sho pwa piti ethimbo keeka wete.

Amwele okwa ti, anuwa omutonateli gwaanona ngoka okwa li a tameke okukonga okanona hoka.

“Shoka okwa li sha etitha olukongo mehala alihe, sigo a lombwelwa kutya ope na olutu lwa li lwa kuthwa momeya, nokukwalishipaleka kutya olwokanona hoka ta kongo,” ta popi ngaaka.

Omutonateli gwomeya gokumbwinda Hendrick Natangwe Kateta, ngoka a longa mehala moka oomvula dha pita pumbali okwa ti okanona okwa li e ka itsu  ethimbo kwa li ta opaleke momeya.

Ta hokolola kutya okwa li a lyata oshinima kohi yomeya nokwa li a yi mbala a ka tale oshinima shokuyugamo iinima momeya.

Ta ti, sho a ka tala okwa mono omutse gwokanona.

“Okwa li nda nukile momeya nokukuthamo olutu ndoka mbala, nokukambadhala ndi tale ngele oku na omwenyo ihe kakwa li taka fudha. Okwa li nda ka tala ekumbatha noku ka siikila omanga opolisi tayi thiki,” ta hokolola ngaaka.

Okanona hoka okatongololwa nedhina Mandume Armdforce. Aakwanezimo ye oya tseyithlwa.

Caption: Omupya omunene…Okanona komimvo omugoyi oka si omeya sho kwa li taka mbwindi moBennies Entertainment Park mOngwediva

-vkaapanda@nepc.com.na


2022-01-04  Victoria Kaapanda

Share on social media