Opolisi moshitopolwa shaMusati otayi konakona eso lyokanona komumvo gumwe Royal Fatima Fritz hoka ka si sho ka gwile meyela lyomeya.

Omukonakoni gwiimbuluma moshitopolwa shaMusati Moses Simaho okwa ti oshiningwanima shoka osha holoka momukunda Onamanape momudhingoloko gOkalongo lwopotundi 14h00.

Otaku hokololwa kutya Fritz okwa li a thigwa kuyi na pamwe nooyakwawo taya dhana, omanga yina kwa li a yi mondunda ye a ka lala.

Ta ti, yakwawo mboka kwa li a thigwa po nayo okwa li natango ye mu thigi po, natango. Otaku hokololwa kutya okanona hoka oka li ka yi sigo oohoka ku na ehela lyomeya ee taka si omeya.

Simaho ota ti okanona hoka okwa li ka monika kuyina ngoka a li e ka kongo sho pwa piti ethimbo inaa uva ewi lyomona.

Yina anuwa okwa li a adha omudhimba gomona mehela lyomeya.

– vkaapanda@nepc.com.na