New Era Newspaper

Header ads
Icon Collap
...
Home / Okapapu ko Covid-19 ka ke tjiko ko ku yenda yenda keya kavaza

Okapapu ko Covid-19 ka ke tjiko ko ku yenda yenda keya kavaza

2021-01-08  Kae Matundu-Tjiparuro

Okapapu ko Covid-19 ka ke tjiko ko ku yenda yenda keya kavaza
Top of a Page

Otjomuise - Otjiwa¿a atji panÿere po tjivarero tjovandu o 50 uriri, otjo tjitjiri tjo ko tjiveta tjovandu mbu va veso oku worongana pamwe poruveze rumwe kutja opo mbakero poo onÿiro, ozo mbongarero poo oma woronganeno kangamwa, kehi yo ma zeva wo Covid-19.

Nungwari  otjini nga tjiute nandarire oku henununa otjivarero itji ngandu nandarire povandu o 30 uriri tjinga omutjise imbwi awa handja. Indi erakiza rOmbara Onene yOvaherero, Tjinaa¿i Maharero, wOnganda yOuhona wa Maharero. Ombara Maharero watjirirwe ama rakiza nao erero muhuko munene mu Keetute yOmurari wOndjivisiro Ombaranga wo nganda yozombuze indji o Namibian Broadcasting Corporation, ousupi o NBC. Ombara ya yandjere ondjozikiro kuumwe ngwari okuwoko kwe kokomanene nu wina kokomamuho, Cleophas Kairimutue Mutjavikua, eye ngwa Þire iyo mutjise wo Covid-19. Omuyaruke Mutjavikua omukwatua wo nganda yOhorongo. 

Erakiza rOmbara Maharero indi nambano karaka ro mu ravaere mo kuti ongaango uirir nungwari ongendo yovaanne ovengi peke peke motjiwana movito vyao peke peke. Muwo mu muna Orata yOkarukondua kOmatoororero ka Tjinene, Erwin Katjizeu, nguno ngendo onene no me ritjindiro wo va ture va Tjinene. Mbumatja kave rikotamene pomazeva womutjise imbwi tjinga aemuna ovandu momivanda vyotjihuro kombundo zoiri zovandu ndu ve hasere okuryanga, ndjiri omuvyu wo ngurova. Katjizeu matja o Covid-19 kairi mOtjiwaneho uriri otjo mutone wongoze komurari tjaraisire nungwari ouparanga wOkarukondua akehe. 

Movivarero vya Ritjatatu vyo vavere ovape, Omaheke yari novandu o 24. Konoo hana kutja kava Tjinene, Epukiro, Otjombinde poo Omongua. Ngunda aperi nao, omuyaruke Mutjavikua mapewa ombakero yo ko tjiveta iyo horomende. Ondjuwo erero otji ya paturukire mOngongoro noveni vomuvanda varakiza nomasa kutja omazeva wouveruke ma ye kongorerwa no ku hina okuyeyepa. Ondjozikiro oseinina mayiutu ndino mombari yo ma hatenya nganduu mo hambombari yongurova. Muhuka ondjozikiro oseinina tjingetjo aikayenda komurungu posia kehi yo horomende okuza mo murongo womuhukom munene nganduu mondatu yomapeta. Otjiungura tjo horomende tji tja Manuka mondatu otjiwana otjini atji toorere imbo oku ka hakisa mo hambombari. Osondaha otjipena otjiungura tjo mbkero mOtjivanda. 


2021-01-08  Kae Matundu-Tjiparuro

Share on social media
Bottom of a page