New Era Newspaper

New Era Epaper
Icon Collap
...
Home / Okuhangahanga Epukiro rari nOmbonagrero yarwe yourunga

Okuhangahanga Epukiro rari nOmbonagrero yarwe yourunga

2023-05-26  Correspondent

Okuhangahanga Epukiro rari nOmbonagrero yarwe yourunga

Jazema Hangero 

 

Erero ombongarero yarwe yahaamene mOmauezonjanda mEpukiro mo ku hanga hangisiwa iyourunga wovinamuinyo okutara muwo. 

Kapeno tjito tjimwe tjaseerwue pehi. Katjisupi moresevate yOmumbanderu mozondendera za Maueuozonjanda pa vaserwe omatemba nga putara moukoto mu mwa vaserwe ozonyama zourunga. Sandie Tjarondo okaṋepo ko-Community Against Stock theft Organisation, ousupi oCASO, ndu ri orutu ndu kondja okuhenununa ourunga wovinamuinyo nomuṱuta wa Tjimati, ma tja: “Eṱe nambano twa himwa kokutja ngatu tjite vi nomarunga nga. Ovandu mba ve noviposa ondundu posi ya ve hita nokupita kave notjiposa noondarire tjimwe tji tji ve haamisa motjovakamburwa ve mune ozomberero nḓe ve pwire.” “Oungundipare nomaunguriro omavi woporise maye tu pandjarisa ovinamuinyo nehupo retu. Eṱe tu hupa kongombe posi ya ondjeverero yayo ongundi. Posasiona yoporise kape kara ovakonḓonone voviposa mbe nondjiviro pe kara ozoporise zakauriri.” “Omarunga nga omitanda mbya urwa i yosikore nambano ye pendukira kokupunda ovinamuinyo vyetu, ve nepango romasa nda kamburasana komuinyo tjootjiri, va tjiwa okuzemisa ozondambo zavo orondu ve nyosa omikova noutenda womomatwi wovinamuinyo. Ovarandise voupana novandu mbe randisa outete mOtjomuise ivemwe vovandu ku ve randisa ovinamuinyo mbi,” Tjaronda ma tja nao. Ma tja: “Epango mokati kotjiwaṋa mari hepwa tjinga ovandu ave wondja ongono tjinene nu omarunga opu ye taarera.” Tjaronda ma tja: “Omitanda mbi va rora okuhaama pamwe okuzuva ouzeu wavyo naṋi ve vi pahere omazengururiro, rumwe ve vi tware kozosikore zoviungura vyokomake kavi kupasana nozondunge nḓa vya iririra okuungura otjimariva tjohakahana. Ouhepe wozombatero noviungurisiwa mbya yenene tjimuna ozondotja, ozotenda itjiva vyoviṋa mbi wotawotisa okuteza nokukambura omarunga nga. “Matu vanga okuuta okukurama potuveze twomawaneno vovirongo tu tare momatemba ayehe ngu maye kapita kokutja ya tjindi omitwaro vyopendje noveta poo indee.” Mu nao otjiwaṋa nozonganda zomauhonapare na ngamwa ovandu kourike otji mave ningirwa okuvatera.


2023-05-26  Correspondent

Share on social media