New Era Newspaper

New Era Epaper
Icon Collap
...
Home / Olusheno kodalate yoluumbo kEtosha la dima - Muyunda

Olusheno kodalate yoluumbo kEtosha la dima - Muyunda

2023-01-31  Festus Hamalwa

Olusheno kodalate yoluumbo kEtosha la dima - Muyunda

Omupopiliko mounisteli w o m i d i n g o n o k o , omatalelipo nomifitu Romeo Muyunda okwa ti olusheno olo li li koluumbo lodalate kEtosha National Park ola dima onghee eshi otashi eta oifitukuti i kale ya dja mo moshikunino shoinamwenyo omo. 

Muyunda okwa ti eshi oshi li eshongo linene nosha nyika oshiponga ngeenge oifitukuti oya pumu mo mEtosha shaashi otashi dulu okueta omafyo kovanhu noimuna. 

Edi Muyunda okwe di popya Omaandaxa eshi a ninga eenghundafana naKundana a kunghilila ovakwashiwana vopomikunda da dingonoka Etosha National Park opo shi kale alushe shi li oupafi kombinga yoifitukuti. 

Oshivike sha dja ko opolifi moshitukulwa shaShikoto oya pitifa olopota kombinga yeenghoshi hetatu vati da puma mEtosha Etitano efimbo leevili dongula. 

Otaku hokololwa kutya eenghoshi hamano oda shuna kEtosha Etitano omanga onghoshi imwe oya dipawa kopolifi nokovanambelewa wouministeli womidingonoko. 

Omukwashiwana umwe okwa kanifa eengobe daye nhee konima eshi vati da dipawa keenghoshi. 

Muyunda okwa yelifa ta ti onghoshi imwe oyo kwa li ya faduka po nayo oya monika onghee paife oya shuna kEtosha. 

“Ovanambelewa ove lipyakidila okukala va kandula po omukundu ou wolusheno lokodalate yokoluumbo la dima opo ku kelelwe oifitukuti ihe li vake mo mEtosha,” Muyunda ta ti. 

Okwa weda po ta ti ouministeli owa didilika omudo wa djako ovakwashiwana hava d i pomudingonoko wEtosha hava danene olusheno lo kodalate eshi hava kala tava tete eengodi dolusheno. 

“Oshiwana nashi kale alushe tashi lopotele opolifi ile ovanambelewa hava ungaunga noifitukuti ngeenge sha mono oifitukuki tai tava kana momidingonoko davo. Oshiwana ina shi e tekela okudenga ile okutataa oifitukuki oya nyika oshiponga,” ta ti. 

Eshi a kwatafana naKundana kansela woshikandjohoololo Guinas EliaMarthinuokwatiovakwashiwana vomoshikandjohoololo shaye iha ve ke likola vali ohova shaashi ova tila eenghoshi. 

“Moshikandjohoololo shange omu na ovakwashiwana vahapu ha ve ke likola ohova nokukala tava landifa ashike paife ohava kala tava nyenyeta tava ti otava dengwa koluhepo eshi paife va xulifa po okuya momufitu,” kansela ta ti. 

Marthinu okwa pula ouministeli womidingonoko opo u kale wa kandula po omukundu ou diva woku shuna ko olusheno kodalate opo ovanhu vaha ninge oihakanwa yokudipawa keenghoshi noshoyo okukanifa oimuna yavo. 

“Ka shi pu okukanifa eengobe nee. Ovanhu ohava xupu moimuna yavo onghee ouministeli nau kale tau futu ovanhu ngeenge va kanifa oimuna yavo ya dipawa koifitukuti. 

fhamalwa@nepc.com.na 


2023-01-31  Festus Hamalwa

Share on social media