New Era Newspaper

New Era Epaper
Icon Collap
...
Home / Olutu lwohanana lwa adhika mokandjugo koshipangelo

Olutu lwohanana lwa adhika mokandjugo koshipangelo

2023-03-07  Victoria Kaapanda

Olutu lwohanana lwa adhika mokandjugo koshipangelo

Opolisi moshitopolwa shaShana oyi li molukongo lwomukiintu ngoka a thigi ohanona ya sa mokandjugo koshipangelo oshinene shaShakati. 

Omugandji gomauyelele gopolisi moshitopolwa shaShana Thomas Aiyambo okwa ti oshiningwanima shoka osha holoka mehuliloshiwike. 

Otaku hokololwa kutya olutu lwohanona opo ya valwa okwa li lwa adhika mokoona yokandjug komwoopaleki ngoka kwa li ta longo iilonga ye ethimbo ndyoka. 

Opolisi oya ti, kape na uyelele kutya ohanona ndjoka okwa li ya thigwa mo ethimbo peni. 

Otaku indilwa moshigwana ngele opena ngoka ena uyelele a lopotele opolisi yi li popepi. 

Aakuluntu momagumbo natango oya kumagidhwa ya tale ngele ope na ngoka a li e na etegelelo ihe ke li na we, opo ya lopotele opolisi. 

Moshiningwanima shimwe inaashi faathana, okanona koomwedhi 15 oka hulitha sho ka gwile mehela lyomeya. 

Oshiningwanima shoka osha holoka moshitopolwa shaShikoto Osoondaha ya zi ko molukanda Namstoub. 

Omugandji gomauyelele gopolisi moshitopolwa shaShikoto Ellen Nehale okwa ti, okanona hoka okwali kathigwa miikaha yokamwayina okakuluntu. 

Otaku hokololwa kutya okanona hoka kwa li taka ndhana puushinda oka li ka ziko eta kayi kegumbo hoka kaakushi ko kule. 

Sho kali ka kongwa sho kali ka ningi ethimbo kaakewetike, olutu lwokanona hoka okwali lwaandhika mehela lyomeya. 

Opolisi onkene tayi tsikile okukumagidha aakuluntu ya kale taya thigi aanona aashona miikaha yaakuluntu taya vulu okuyasila oshimpwiyu. 

Omaso gombaadhilila oga ningi ethimbo taga lopotwa unene miitopolwa yokonooli, noga indjipala. 

vkaapanda@nepc.com.na 


2023-03-07  Victoria Kaapanda

Share on social media