New Era Newspaper

New Era Epaper
Icon Collap
...
Home / Omaruru, Otjozondema, Ozombuzovindimba

Omaruru, Otjozondema, Ozombuzovindimba

2022-09-30  Kae Matundu-Tjiparuro

Omaruru, Otjozondema, Ozombuzovindimba

Ozondjira ozengi poo tjiva otja tji pa so kukara okuza ku ndinondi ma ze hungama ko Maruru, Otjozondema na Zombuzovindimba.

Ko Maruru kErongo omayambero oyetja 96 yerapi ro Tjizemba, ko Tjozondema omazemburukiro omatenga wo ma Þupa nga sesuka mo ru harwi ko Ngama mo Tjozondjupa nu ko Tjinene Mo Maheke omazemburukiro oyetja 118 wEraa ra Van Trotha kutja omuhoko ngauyandekwe ovandu kuvauta okuyenda okuza mo 2004 mo ma zemburukiro wo zo mbura esere ro TjiÞiro Otjindjandja. 

Owatjiri okoo kutja ovitjitwa imbi aviyetatu, ovitjitwa vimwe kaparukaze mbino' rupe no tjiøa tjimwe otjo tji tjiri ohuurire yo muhoko wOvaherero nOvambanderu iyo Vandoitji. Omuhoko uyenda kOmaruru okuza ko 1926 oku ka zemburuka oupatje no ku hino kwiivaiva ko vaÞi no va kuru vao, oko ku kwa twara ko TjiÞiro Otjindjandja tjawo tje Raa nda yandjerwa po Zombuzovindimba tjiyari 2 ku Seninaøi mo 1904. Hapo oviøa aviyevari imbi mavi haøika vi no ku haøewa vi? 

 Kavino' mahaøeno no ma pangununino kaparukaze. Tjazewa kovanane mberi ko ngotwe yavio okuzamba okutara kutja ombura ndji ma iyende mave viÞunu vi kutja omuhoko auhe mo mbwaneno tjimwe nu pamwe uÞumunukire kutjimwe tjavio nu otjikando tjarwe uyende ombomi kwiitjo tjarwe. 

Ndoovazu tjiri indjiri ongutiro ya Kandjoze ndji ma iyenene okukara no maheya wa katjotjiri, mombii indji ovanane kavesere okurira ovakarere vo mambo poo ozondando zao ozombwa za Kandjoze, nu ngwari ovitjitwa avihe imbi viasere kurira vio muhoko auhe mo u mbomi wawo. 

Tjingetjo wina ovitjitwa via Tjozondema ovio mbiri otjikando otjitenga oku zemburukwa. Ouparandu kutja via tuwa mo ma yuva yemwe novikwao ayo kavio vandu avehe pamwe poo kaviøa vimwe avihe pamwe  vio vandu avehe pamwe nu mbina orupe no tjiøa tjimwe tji tjiri OtjiÞiro Otjindjandja. 

Hapo omaÞupa nga sesuka mo ru harwi mo Ngama oyauøe ayeheri yovaÞi no vakuru vetu mbaa ve tuurungire mo Nyai Nyai okuhuka ominyo  vetaurire ko Tjauana. 

Kutja ndinondi embo indi KaviÞonÿema riurisiwe otja tji reurisiwa nai omuhoko urire Epaha ra Tjiute. Ndjiri ondimwa ya Maruru, Otjozondema na Zombuzovindimba?

Posia ovio viri nao. Kakutja atjihe kahepero nu katjino' makuruhungi mutjo tjini. 

Ovitjitua aviyetatu imbi vina onÿengu ko ma kuruhungi wo muhoko wOtjiÞiro Otjindjandja ombamba. Nambano tjasewa kwiimba mberi ko honga yavio kutja hapo embo ro tjikoro ndi ma vetwara oku kayandja no ku pangina naro  omuhoko ndi ma ririre ekarere kutja ombura ndji ma iyende ovitjitwa imbi virire via kangamwa ondekurona yo TjiÞiro Otjindjandja mari sana pi?

 


2022-09-30  Kae Matundu-Tjiparuro

Share on social media