New Era Newspaper

New Era Epaper
Icon Collap
...
Home / Ombara Tjikuirire waomboroka

Ombara Tjikuirire waomboroka

2021-07-09  Kae Matundu-Tjiparuro

Ombara Tjikuirire waomboroka

Otjomuise- Ombara Joel Stephanus Tjikuirire wOvaherero imba vAhi rOzongwena mbe ha hungire Otjiherero mena rohuurire yOvakwena waÞire Oritjatatu.

Ombara Tjikuirire waÞirire mo namiti ya Zoroue iyo Covid-19. Nandarire kutja eye notjiwana the tja Vaalgrasa kaave hungire Otjiherero, owo Ovaherero ohomonena
uriri nu mbaa veri vara nao nganduu mongaro novitjitwa vio muhoko wao. Nandarire mo ngarero yao owo vari avateza omize via mOuherero na mOumbanderu
nu erapi rOtjingirine kehi younane wo muyaruke Ombara Munjuku II  Nguvauva ondari erapi etenga mo marapi oku karonda puna ra Vaalgrasa mo Vaalgras. Tjingetjo wina ovature va Mongua kehi yerapi rOtjiserandu avepamisa ouzamumwe novakwao va Vaalgrasa tjinga ombura aihe aa ve kakara peyuva rombazu ndi karako mu Kambundu. 

Ngunda aperi nao Otjirata tjOkombanda tjOuhonapare wOvambanderu wOmbazu tja zikire orata yatjo onÿakame mu tjino ngamburiro, Gerson Katjirua otjo Mbara onÿize yo ru veze.

Otjirata tja haamene omayuva womasuviro ngazuko po mberoo youhonapare onene po Mimbondevitano mo Mauezonjanda tja Pukiro. 

Ombongarero po Mimbondevitano indji wina ya zi kire Issy Murangi otjo Muhaamise wOkehi wOtjirata, o Suprema.  Komurungu ya tiere kutja Ondjuwo yOuvara wa Nguvauva, no ma tiasaneno wOvakweuva, Ovakwenambura nOvakuatjivi, katjisupi ma i haama oku tia ombakero yomuyaruke Ombara Kilus Munjuku III Nguvauva gwaÞire Oritjaine ndazuko.


2021-07-09  Kae Matundu-Tjiparuro

Share on social media