Ombelewa yOmupresidente oya yambindhindha iihakanwa yefundja nuushako wooButternuts wuli 860 oshowo uupandi womwiindhi wu li 706 mehuulilo shiwike.
I inima mbyoka okwali ya yambindhindhwa nayo, okukwathela iihakanwa yefundja ayihe miitopolwa Ohangwena nOshana.
Ng o l one ya gwo s h i t op o lwa shaHangwena Walde Ndevashiya okwa ti, omeya gefundja inaga tembundha ashike aantu momalukalwa gawo ihe oga eta wo nondjala yiimuna.
“Otandi kumagidha ayehe mboka ya pewa oshinakugwanithwa shoku topola iinima mbyoka ya gandjwa nena mpaka, opo ye yi thikithe kooyene, ihe inayi pungulwa nando momahala gomapungulilo e taku mwenwa,’’ ta kumagidha ngaaka.
Ta ti, iimuna oya pumbwa omwiindhi lela paife, opo yi hupithwe oshoka ondjala otayi endele ko. “Otandi indile wo natango moshigwana shi kwathele iihakanwa yefundja, mpoka tashi vulu,” ta indile ngaaka. Aanafalama oyendji oya kwatwa kuumbanda kutya iimuna yawo onayi ka sa kondjala momasiku gokomeho.
Aanafalama yomiitopolwa Oshana noHangwena oyo unene ya taalela onkalo ondhigu oshoka omwiindhi inagu mena omolwa omvula ndyoka ya kala ko omanga omwiindhi miitopolwa moka gwa yonagulwa po kefundja.
Omeya oga tembudha omagumbo ge li 417 moshitopolwa shaHangwena oshowo omagumbo ge li 263 mOshana.
Efundja okwali lya ponokele iitopolwa yomonooli okuza mokati kaJanuali nuumvo, no ya hanagula iinima yaantu oyendji. Oosikola okwali dha pata, aalongwa okwali ya kalekwa komagumbo pakathimbo. Omeya gefundja natango okwali ga faalele omweenyo dhaantu miitopolwa moka iyali. Efundja okwali lya yonagula oopate dhoku enda, unene iihauto. Omahala ogendji okwali ga tetwako. Ngoloneya gwoshitopolwa shaShana Elia Irimari okwa li apopi kutya, oshitoplwa shaShana osha tameka nale okulonga, opo omaupyakadhi getembu lyaantu ga hulepo.
“Onkalo ndjika itayi kala tayi holoka kehe omvula. Oshigwana nasho osha loloka okupulwa omakwatho omolwa uupyakandhi tau vulu okukandulwapo,” ta ti ngaaka. Mboka ye li kootenda oya ti, nayo oya loloka okutembundhwa omolwa efundja lyomumvo kehe. Oya hala okupewa omahala hoka ihaakuyi omeya, taya ti, oya kanitha oshindji moku tembuka.
vkaapanda@nepc.com.na