Otjomuise- O Ministeri yOmekurisiro wOvihuro nOkozombanda, moure wo ma yuva o 60, ape omieze vivari, amiso kutja yatie kutja maizemburuka poo kaino kuzemburuka Ouhonapare wOmbazu wOvambanderu.

Kehi yOtjirata tjOmbazu tjOvambanderu, na Aletha Karikondua Nguvauva. Otjombanguriro tjOkombanda tja zikamisire nao Oritjavari tji tja haamene rukwao oku toora oumune ouseinina motjiposa tjo tjirata ihi puna Aletha Nguvauva, kuno ministeri indji, otjiuru tjehi na varwe wina mu mwari Ombara yOvambanderu, Omuyaruke Kilus Nguvauva. 

Otjombanguriro tjari atja yandja oumune wo pokati kotuveze Oritjatano ndazuko mbwari mo nÿero yOtjirata na Aletha Nguvauva.  Mo me ri hekeneno kutjo 

tjinene Otjirata tjOvambanderu no Mwara va ningira otjimbanguriro eraa ro kutja o Ministeri ikongorere Oveta yOuhonapare wOmbazu yo 2000, nu tjinene ezeva indi o 5 (3) (b). Oro maritja: ™Tjipehina omapu omazuvakwa oku zemburuka otjimbumba tjovandu otjo tjiwaøa tjapeke  tjombazu kutjo otjini, o Ministera maiso oku pa o Presidenta ondunge ndja sanango∫. 

Pu ma pahee kutja Ovambanderu tji va tjitire eningira ro ku zemburukwa mo 2019, no ministera aitie oku hino ku ve zemburuka nu munao a i nakaura eningira rawo, oyo kanaa yaraisa kotjiuru tjehi nao otja tjiyasere otja kezeva indi 5(3) (b). Munao Ovambanderu opu vaira ko tjo mbanguriro ku v eke tji ningira kutja tji raere o Ministera oku panÿera no ku kongorera ezeva indi.

Munao o Ministeri otji maiso okuhara omuhunga umwe poo warwe me ningira rOvambanderi imba okuvarwa moure wo ma yuva 60.