New Era Newspaper

New Era Epaper
Icon Collap
...
Home / Omufuthi a dhengwa shi nyanyaleka koshigwana

Omufuthi a dhengwa shi nyanyaleka koshigwana

2021-08-30  Victoria Kaapanda

Omufuthi a dhengwa shi nyanyaleka koshigwana

Victoria Kaapanda

Omulumentu gumwe go mwaamboka yali ya yugu omukiintu oongodhi dhe mbali dho peke, okwali a dhengwa shinyanyaleka koshigwana. Sha ikolelela komugandji gomawuyelele moshitopolwa shaShana Inspector Thomas Aiyambo, oshiningwanima shoka osha holoka oshiwike sha zi ko ko kalukanda kaPohamba, mOshakati.

Otaku hokololwa kutya aalumuntu yaali okwali a kwatwa sho omukiintu ngoka ya yugu oongodhi, ali a kugu, noshigwana osha tondoka noku kwata omufuthi ngoka.  Gumwe gwofaauthi mbaka okwa matuka po. “Omufuthi ngoka okwali a kwatwa nokudhengwa shi nyanyaleka koshigwana omanga opolisi inaayi thika.

Iyambo okwa ti, ngoka a li a ningilwa omuyonena ina patulula natango oshipotha no kapena natango uuyelele ngele oongodhi dhe okwe dhi mona nenge indhi mona. Saimi Nangolo gwomolukanda moka, okwali anyenyeta ta ti, okangendjo kuusiku otaka teyitha omagumbo gawo.

“Oombudhi ohadhi ende dha manguluka ethimbo ndika lyokangendjo kuusiku oshoka ka pena ngoka edhi wete, ihe oyo ayeke yeli mo muusiku,” ta ti ngaaka. Ethimbo ndiya okwali oshihwe po oshoka aantu oyendji taya ende uusiku noka kwali haya kala ya manguluka okulonga iilonga yawo.

Ta ti, opolisi ndjoka ya tulwa po, ihayi kala mo momalukanda, oyi li ashike ko pate nenge ethimbo limwe ko pate ihayi kala ko. Zeria Neshunga okwati, oshigwana nashi kale tashi longele kumwe, okuyambidhidhathana ngaashi naana sha kwata omufuthi ngoka.

“Aafuthi naya kale taya dhengwa koshigwana, pamwe taya hulitha po okuningila aantu omiyonena, oshoka ngele oya yi kondholongo, ohaya tegelele ashike okwiifutila mo, eta yeya okutsikila niilonga ya wo,” ta ti ngaaka.

Ta ti, mondholongo oyiika mo, onkene ihaya uvu uudhigu oshoka oye shi kutya otaya zimo. “Pamwe ngele ya kala taya dhengwa, otaya mbandala okulonga iilonga ya tya ngaaka,” ta ti ngaaka.


2021-08-30  Victoria Kaapanda

Share on social media