New Era Newspaper

New Era Epaper
Icon Collap
...
Home / Omugundjuka a yahwa e ta si sho a li ta yugu kasitoma

Omugundjuka a yahwa e ta si sho a li ta yugu kasitoma

2022-12-08  Victoria Kaapanda

Omugundjuka a yahwa e ta si sho a li ta yugu kasitoma

 Omusamane gwomukuluntu okwa mangwa po kopolisi moshitopolwa shErongo, konima sho a yaha omulumentu gwomimvo 31 ngoka a li ta piyaganeke nokuyuga ookasitoma pehala lye. 

Sha ikol e la kepeko lyopol i s i moshitopolwa shErongo oshiningwanima shoka osha holoka pehala lyomanwino tali ithanwa Bingo Bar molukanda DRC. 

Otaku hokololwa kutya omusamane ngoka gwomimvo 54 okwa li a yaha omulumentu ngoka konima a li a loloka okuganda omapuko ta ningi. Sho a kala noku mu ganda a hulithe po okupiyaganeka okasitoma, nakuyahwa okwa li a pilukulile po omusamane ngoka mwene gwehala. 

Opolisi oya ti, omulumentu ngoka okwa li a ponokele okasitoma ndjoka ye ya pehala mpoka ya hala okulanda oshikalata shoombiila, noku mu ya mondjato. 

Shoka anuwa okwa li sha eta oontamanana pokati komulandi nomulumentu ngoka. 

Natango omulumentu ngoka anuwa okwa li a tsikile okukondjela ombasikela yakasitoma oye tuu ngoka. 

Tayi ti, shoka okwa li sha geyitha mwene gwehala, omusamne ngoka nokuganda omulumentu ngoka kutya shoka ta ningi osha puka na ethe okasitoma ye. 

Opolisi oya ti omulumentu ngoka opamwe nookuume ke yaali okwa li ya ponokele mwene gwehala ya homata oombele ya hala oku mu tsa. 

Omusamane anuwa okwa li a pweya mo ondjembo ye momukwamo, e ta umbu mombanda nelalakano lyokuya mbandameka. 

Otaku hokololwa kutya yaali okwa li ya matuka po omanga omulumentu ngoka a tsikile u uka momusamane sigo a yahwa moombati. 

Opolisi oya ti, okwa li a falwa kaakwanezimo ye koshipangelo hoka a li a hulithile. 

Nakusa okwa tseyika nedhina Frans Ndahangetate. 

Moshiningwanima inaashi faathana, olutu lwomulumentu gomimvo 49 olwa adhika mondunda yokulala lwa ninga nayi. 

Sha ikolelela komukuluntu gwopolisi moshitopolwa shaShikoto Theopoline Kalompo Nashikaku oshingwanima osha holoka momukunda Okambonde mOniipa. 

Otaku hokololwa kutya omulumentu ngoka okwa li u uvika ta nyenyeta omukolo gwa kukuta, shoka a li e shi popi pukuume ke ngoka a li emu talele po lwahugunina. 

Opolisi oya ti nakusa okwa li ha zi oye awike. Nakusa okwa tseyika nedhina Johannes Mengela Kambonde. 

Aakwanezimo oya tseyithilwa. 

vkaapanda@nepoc.com.na 


2022-12-08  Victoria Kaapanda

Share on social media