Omukainhu weedula 54 okwa ponokelwa kookalyamupombo ndele tanyekwa omaliko maye mwakwatelwa oshimaliwa N$39680 noshoyo eengodi mbali dopeke. Ongodi imwe oili pongushu yoN$3000, omanga ikwao oili pongushu yoN$3500 noshoyo ondjebo yongushu ifike poN$8500.
Oshiningwanima eshi osha ningilwa modoolopa yaShakati pOnkanga Cash loan mendiki lomangeshefelo Endume Complex mOshakati Etitano efimbo longula lwopotundi 07h30.
Omupopiliko wopolifi moshitukulwa shaShana Inspector Thomas Aiyambo okwa hokolola ta ti omukainhu okwa li vaya kombaanga va kanana oshimaliwa shongeshefa yoCash loan. Oshimaliwa shakananwa okwa li shanuninwa okulongifa moCash loan.
Vati omunailonga mukwao womulumenhu ou kwa li tashingi otuwa yoilonga okwa nyekwa tete ondjebo yaye oyo kwa li ekwete koolyamupombo ndele teve mu ulike nondjebo moshipala.
Opolifi oya hokolola tai ti manga nakuninga oshihakanwa auka moCash loan naye okwa nukila koolyamupombo vatatu vekwete eendjebo nhatu tava pula omukainhu oimaliwa.
Opolifi oya ti ovafekelwa ova ningila nakuninga oshihakanwa omatilifo kutya otave mu dipaa ngeenge ina hala okuyandje oshimaliwa.
Ka pena oshimaliwa sha monika, ovafekelwa ova fanduka po vau ka molukanda Oshoopala mOshakati.
Konima eshi opolifi ya lopotelwa oya ninga eenghendabala dokukonga ovafekelwa molukanda Oshoopala ashike ina va mona ouyelele.
Opolifi otai indile moshiwana kwau e na oyelele opo shi kale shalopotela opolifi keshe ili popepi.
Oshiwana otashi kumaida opo shi kale sha tula ovakeleli vomaliko peenhele dengeshefa davo unene tuu peenhele odo hadi ungaunga noshimaliwa.
fhamalwa@nepc.com.na