Omukiintu gomimvo 15 okwa mangwa po kopolisi sho anuwa a ekelehi ohanona yesiku limwe.

Sha ikwatelela komukuluntu nomugandji gomauyelele gwopolisi moshitopolwa shaMusati Moses Simaho, olutu lwohanona olwa adhika lwa ninga nayi.

Ta ti olutu ndoka okwa li lwa monika ashike Osoondoha nonando otaku tengenekwa lwa ekelwahi omasiku gane nenge gatatu ga piti.

Otaku hokololwa kutya omukiintu ngoka okwa li a mono okanona kokamati hoka a li eka ekelehi kombululu yokandjugo.

Simaho ta ti ohanona ndjoka anuwa okwa li ya mangelwa mokalapi okashunga omanga inaaka umbilwa mombululu yokandjugo.

Opolisi oya indile oshigwana shi hulithepo iiningwanima yolundhi ndoka.

Tayi ti, aakiintu mboka inaaya hala uunona naya kale taya thigi aanona mo mahala ga gamenwa, ngaashi iipangelo nenge momagumbo gaakwanezimo.

Ya gwedhapo kutya ohanona onzona yaKalunga, kayina ondjo yasha yo kaayina oonkondo okwiikelela koshinima shika.

Oshigwana nashi kale sha yelelwa kutya, okukutha omuntu omwenyo ondjo, onkene owuna okupewa egeelo.

Tayi kumagidha oshigwana kutya kehe ngoka ena endhilandhilo lyoku kuthamo etegelelo nenge okudhipa ohanona naya ekelehi endhilandhilo ndyoka.

– vkaapanda@nepc.com.na