New Era Newspaper

New Era Epaper
Icon Collap
...
Home / Omukulupe gwomimvo 81 a dhipagwa ko shitenya she

Omukulupe gwomimvo 81 a dhipagwa ko shitenya she

2021-09-01  Victoria Kaapanda

Omukulupe gwomimvo 81 a dhipagwa ko shitenya she

Victoria Kaapanda

 

Omukulupe gwomimvo 81 ngoka a dhengwa shinyanyaleka ko shitenya she , okwa li ahulithila ko nima ye thimbo efupi sho a li a falwa koshipangelo moshitopolwa shaHaardap.

Sha ikolela kepe ko lyopolisi lyiiningwanima ye huulilo shiwike, oshiningwanima shoka osha holoka Etitano potundi 10h00 yuusiku momudhingoloko gwaHardap.

Otaku hokololwa kutya omutamanekwa moshiningwanima shika Maria Cloete okwali ya nyenyeta na yinamweno, shoka shali sha eta omutamanekwa ngoka adhenge yina mwenyo.

Opolisi oya ti, omukulupe okwali a dhengwa shi nyanyaleka, no kwali a falwa koshipangelo hoka ali ahulithile. Moshingwanima inashifaathana omunaminvo 30 Joel Dhiladhileni, okwali asi sho ahahalwa nekatana metundji.

Otaku hokololwa kutya omulumentu ngoka okwali ahahalwa ko mulumentu omukwawo gwomimvo 42, ko nima yali anuwa ya nyenyeta. Kapena uuyelele wothaatha kutya oshike shali sha eta oondjuma po kati kawo.

Oshiningwanima shoka anuwa osha holoka Etitano koGreen well matongwe moWindhoek.Otaku hokololwa kutya omutamanekwa ngoka okwali iigandja ko polisi yaWanahenda ethimbo olyo tuu ndoka.

Etitano olyo tuundoka omulumentu gwomimvo 30 okwali si sho anuwa atsuwa nombele ku kuume ko nima yali ya nyenyeta.Oshiningwanima osha holokele pehala lyomanino momukunda  Omungholyo  moshitopolwa shaHangwena. Otaku hokololwa kutya shoka natango sha eta enyenyeto inashi shiwika, ihe naku tsa omulumentu ngoka okwangwa po ko polisi.

Omulumentu ngoka okwali a si ethimbo olyo tuu ndyoka, sho a li atsuwa mepepe. Nakusa okwa tseyika nedhina Naftal Hadjiva.

Selma Newaka gwomomukunda moka mwa holoka oshiningwanima sho mulumentu ngoka atsuwa nombele no kusa, okwa ti, iiningwanima ya tya ngaaka otayi holoka omolwa iikolitha.

“Omahala gwomanino ogo uupyakadhi, oshoka aantu ngele ya hangana opo haya tameke oku monathana omapadhi omanene, una ya kolwa,” ta ti ngaaka. Newaka ta ti, uuna ka pena iikolitha iiningwanima ya tya ngaaka ihayi holoka.


2021-09-01  Victoria Kaapanda

Share on social media