Omulumenhu womido 57 okwa kwatwa po eshi va ti a twa nokudipaa omukainhu waye nombele pefimbo kwa li ve li mondjila tava di keendingosho.

Oshiningwanima eshi osha ningwa Osoondaxa komukunda Onaame moshitukulwa shaShikoto efimbo lokonguloshi. Nakufya okwa tongolwa oye Maria Nangombe weedula 42 omukalimo womukunda Onaame.

Omupopiliko wopolifi moshitukulwa shaShikoto Inspector Ellen Nehala okwa hokolola ta ti omufekelwa okwa li va ya keendingosho di li poumukunda wavo nomukainhu waye. Va ti mondjila yoku ya keumbo ova ende mo tava tanguna. Konima yefimbo omufekelwa okwa tameka okudenga nokutwa omukuinhu waye. Okudja opo omufekelwa kwa faduka po konima eshi a longa oshimbuluma fiyo ta kwatwa po efimbo ongula Etivali a hangika moixwa mekove lambulavo.

Opolifi oya hokolola tai ti nakuninga oshihakawa okwe li tuwa mondjila a nangala ta kondjo nomwenyo.

Vati eshi ovakwashiwana vaka shivifila opolifi Nangombe okwa hangika nale a xulifa.

Omufekelwa ota holoka momhangu mOndangwa Etitatu nota pangulilwa oshibofa shedipawo nomakonakono opolifi otaa twikile. fhamalwa@nepc.com.na