Omunamimvo 22, omulongwa koshiputundhilo shopombanda kOvenduka Unam, okwa li a itsuwa a endjelela moshitayi shomuti mEtiyali lyoshiwike shika.

Sha ikolela kuuyelele wa gandjwa komukuluntu gwopolisi moshitopolwa shaMusati Moses Simaho, oshiningwanima shoka osha holoka momukunda Omuthitugonyama moshitopolwa shaMusati.

Otaku hokololwa kutya omulumentu ngoka okwa li A dhimbululwa kaanegumbo kutya omayihumbato ge otaga limbililike.

Simaho ta ti, anuwa okwa li a zi mo megumbo komatongo uuka mepya , no konima yethimbo sho kwa li alandulwa okwa li andhika a imangeka moshitayi shomuti.

Otaku hokololwa kutya kakwa li a thiga a shanga shoka sha etitha opo a imangeleke.

Okwa tseyika nedhina Shigwedha Hafeni Tuli.

Omakonakono gopolisi oge li metifa.

Natango omulumentu gomimvo 47, Etiyali okwa li aadhika a imangeleka momuti, momukunda Oluhalu moshitopolwa shaMusati.

Otaku hokololwa kutya omulumentu ngoka okwa li i ihulwa okumonika lwopotundi 04h00 yongula. Simaho  ta ti oya lopotelwa kutya omulumentu ngoka okwa li a monika ta endauka lwopegumbo lyamwene gomukunda, ihe okwa li methano lyomuntu e na omadhiladhilo kaage li pehala.

Otaku hokololwa kutya esiku okupendukila Etiyali okwa li a monika e li nawa, ye ka kwa li ta monika e na uupyakadhi wa sha.

Ta ti, okwa li omuniilonga kohambo momundhingoloko gOtsandi. Okwa tseyika nendhina Gotlieb Shimoshili, omuAngola.

Aakwanezimo inaya tseyithilwa natango, nomakonakono gopolisi oge li metifa. 

– vkaapanda@nepc.com.na