New Era Newspaper

New Era Epaper
Icon Collap
...
Home / Omulumenhu a yashwa momunhimo nokunyekwa otuwa yaye kookalyamupombo

Omulumenhu a yashwa momunhimo nokunyekwa otuwa yaye kookalyamupombo

2021-06-01  Festus Hamalwa

Omulumenhu a yashwa momunhimo nokunyekwa otuwa yaye kookalyamupombo

Omulumenhu weedula 36 okwa yashwa momunhino, momupolo nokunyekwa otuwa yaye kookalyamupombo mexuliloshivike.

Otaku hokololwa oshiningwanima eshi sha ningwa oufiku wOlomakaya lwopotundi 22h00, mondjila pokati kOshikango nOmafo, moshitukulwa shaHangwena. Nakuningilwa oushada oye Johannes Toivo.

Surgent Andreas Nghiyolwa wopolifi moshitukulwa shaHangwena okwa hokolola ta ti Toivo okwa li ta shingi konguloshi a yuka kOshikango e li mondjila yokudja kOnhuno. 

Pokati opo okwa lefwa kovalumenhu ve li vatatu tava ti kutya ova finda kOshikango.

Omanga ve li mondjila va finda kOshikango omufekeelwa umwe okwa kufa mo ondjembo nokuyasha Toivo momunhino nomomupolo moshipala. Nghiyolwa okwa hokolola kutya ookalyamupombo ova faduka po notuwa yaToivo efimbo olo.

Toivo okwa twalwa koshipangelo shaShakati shepangelo opo a ka mone epango lopaunamiti lomeendelelo, nokwa lopotwa kutya vati oku li monghalo i li xwepo.

Nghiyolwa otuwa yaToivo ei ya nyekwako kookalyamupombo oToyota itoka yonomola N183-191W.

Kape na nande omufekelwa a kwatwa po fiyo opapa, onghee opolifi oi li molukongo lotuwa ei.

Opolifi oya ti kukeshe ou e na ouyelele unasha noshimbula eshi opo a kwatafane naWarrant officer Trophy Mukete konomola yongodi 0812344774 ile Detective Warrant Aron Emvula 0813139631.


2021-06-01  Festus Hamalwa

Share on social media