New Era Newspaper

New Era Epaper
Icon Collap
...
Home / Omulumenhu vati a kwata ounona voumati vavali onghonga

Omulumenhu vati a kwata ounona voumati vavali onghonga

2023-01-30  Festus Hamalwa

Omulumenhu vati a kwata ounona voumati vavali onghonga

Omulumenhu weedula 26 okwa kwatwa po eshi vati a kwata ounona voumati vavali onghonga meumbo lavo molukanda Otjomuise moWindhoek Etitatu.

Oonakuninga oshihakanwa umwe oku na omido hamano, namukwao omido hetatu.

Komufala wopolifi moshitukulwa shaKhomas Commissioner David Indongo okwa hokolola ta ti omufekelwa vati okwa yandje ongodi yaye kounona opo va kale tava tale uuvidio nokudja opo teva kwata onghonga. Va ti ouyelele owe uya kombada eshi ounona kwa li tave li denge nokonima okaana kamwe oka popya kutya otaka lopota mukwao kuina kutya oha ka kala ta ka lafa koulumenhu womufekelwa.

Opolifi oya ti okudja opo ounona ova ningilwa omapulapulo kombinga yoshimukungu eshi fiyo ouyelele tau ya komboda.

Omufekelwa ota holoka momhangu nota pangulilwa oshibofa shekwatonghonga.

Oshiningwanima shikwao, omukainhu weedula 29 va ti okwa kwatwa onghonga pefimbo kwa li tadi koundingosho efimbo lokonguloshi moixwa.

Oshiningwanima eshi osha ningilwa momukunda Onyeka moshitukulwa shaShikoto Etitatu.

Opolifi oya hokolola tai ti omufekelwa weedula 30 okwa landula omukainhu oo noku mu nhukila te mu ningile omatilifo kutya ote mu dipaa na fiyo tai naye moixulo.

Omufekelwa okwa kwatwa po nota holoka momhangu yaNdangwa.

Opolifi oya kumaida ovakainhu opo va xulife po okukala tava di keendingosho efimbo loufiku ngeenge va kolwa shaashi osha nyika oshiponga noha shi dulu okueta omunhu a longelwa ominyonena moixwa.

– fhamalwa@nepc.com.na


2023-01-30  Festus Hamalwa

Share on social media