Victoria Kaapanda

Petrus Uukunde (49) gwomomukunda Onamulunga momundhingoloko gwOndangwa, okwa tetwa ompadhi konima sho a ponekelwa nokulumatwa kondoongi Osoondaha ya zi ko.

Uukunde okwa hokolola kutya okwali a ponokelwa kondoongi ethimbo kwali a lala kohi yomuti, kondje yegumbo lye. Omulumentu ngoka okuli monkalo yi li hwepo, ihe ota ti, okuuvite nayi oshoka ompadhi ye oya tetwa ko ineeshi tegelela.

“Esiku ndyoka okwali nda lala, no kwali nduuvu oshinima tashi talala kompandhi yandje, ihe tango ka kwali nda ipyakadhile nasho. Onda uvu nda lumatwa unene noku papudhuka mo. Ethimbo ndyoka ompadhi yandje oyi li nale mo kana kondoongi,” ta hokolola.

Ta ti, okwakala ta kambandhala okuyindhenga, nonando a li uvite omasipa gompandhi ye sho taga ko kotwa kundoongi, ihe oya  kala ya dhama ashike.

Nuukunde okwa ti, okwali natango ta kambadhala okutula onyala ye mo mayulu ga ndoongi, nelalakano a ekame ke okana kwe, ihe shoka ka kwali sha kwathele.

“Ndoongi ngoka okwali atsikile okuhalakanitha egumbo lyandje. Okwali li iikombo iyali oshowo onkambe,” ta popi ngaaka.

Ta ti, otashi limbililike oshoka ina uva nale ndoongi alya nenge a monitha omuntu oshiponga. “Nonando okwali nda tindi petameko ompandhi yandje yi tetweko, Omandaaha okwali sha tulwa miilonga oshoka onda mono kutya ka pena shoka shilwe shina okuningwa po,” ta ti ngaaka.

Ta ti onkalamwenyo ye oya lunduluka okuza esiku a kanitha oshilyo sho lutu lwe.

Kapena natango uuyelele wo thaathaa ngele ondoongi ndyoka oya li yina uunkundi wopamadhilaadhilo, nonando otaku hokolwa kutya aakalimo yo mo mukunda Onamulunga oya li ya dhipaga no kulya po ondoongi ndyoka.

Sha ikolela kombapila ndyi ya shangwa okuza kombelewa yinamwenyo  mOndangwa, uuluwi wa ndoongi ota yewu konakona opo ya vule okumona ngele ndongi okuna uupyakadhi.

– vkaapanda@nepc.com.na